Sada ai-īsib ge Xristub ǃnâ ǀgui a hōsa.  ²¹Tsî Elob ge ǁnāb sige sadu ǀkha Xristub ǃnâ mâǁapo kai, sige ǀnau,ǀhonkhoesis di saosa sige ai ǂnûi tsî ge ǁîb di Gagaba ǁapoǁapos ase sige ǂgaogu ǃnâ māba. (2 Korinteǁîn 1:21-22 KKG20).

 

Sada ge a Elob ôa.  ¹Mû re tarebe ǀnammab ǁGûba sada ra mā ǃkhaisa, Elob ôan ti da nî ǂgaihese. ǁNā-amagab ge ǃhūbaiba sada a ǀū, ǁîbab ge ǀū i xui-ao. (1 Johaneb3:1 KKG20). Elob ge sada ra ǁhûi — ǃgâiǃōsib Eloba xu ǀgui hâ ǃkhaisa ra ǁapoǁapose. ǃOaǂui da hâo tamas ge orehe tamas ka io da ra ǁhûiǂuihesa, xawe Elob a ǀkhomxaǃnâ tsî ǃnorasase oresa ra mā xui-ao. Sada ge Elob di mîǁguib sada ǀkhaeds diba sada ǂâiǀgaub ǀkha unu tama hâ, ǁÎb ge ǁnāsa ǁÎb ǀapes ǃoa ge dī. ǁNā-amag i ge ǀgui ǀgau-i ǁî-ai koasen tsîts koahets sa ores ǃaroma ti nî ǂâi-e a ǀkhai. Ores di ǂhôas ge ǀnai sada nî hās aiǃâ Elob di ǂâis ǃnâ ge ǃnae. ǃGom a mâtib Eloba ge ǃkhōǃoa da ǃkhaisa, xawe da ge Xristub ǃaroma ǃanu tsî a ūo.  ⁴ǃHūbaib nî ǂnubihes aiǃâs tsînab ge Eloba ǀnai ǁîb dida ase sada Xristub ǃnâ-u ge ǁhûiǂui, ǃanu tsî ūose da ǁîb aiǃâ nî hâse. Tsî ǁîb ǀnammi ǃaromab 5ge Eloba ǀnai Jesub Xristub ǃnâ-u ǁîb ôada ase ge ǁhûiǂui da. (Efeseǁîn 1:4 KKG20).

 

Sada ge ǃanu tsî khaihe hâ. Sada ge sada ǀHomsi ǁGûb khami nî īse ī — mâ xū-i dī da ra-i ǃnâ ǃanusa. ǃAnusib ge hoaragase khaisen tamas ka io ǃnâuǃnâusens Elob ǃoa , ǁÎb di ǀō-aisa ǃoabas ǃaroma nî sîsenūhese, tsî ǁore tsî ǁîb ǀkha ra ǃgûǀhaoxūna xu ǀgurihâse khaihesa. ǂNubis ǀkha ta ge ǂgobehe tama hâ, xawe ta ge ǀkharati ī ǂgaos ǃaroma ǀkharati ī tide. Sada ra nauna xu ǀkhara kais ge Elob di îǂūgu sada ûigu ǃnâ hâga.  ¹⁵xawe Elob sado ra ǂgaib a ǃanus ǁkhās khami ǃanu re, sadu tanisens hoas ǃnâ.  ¹⁶Xoamâihe hâ xui-ao: “Tita a ǃanu, amaga du ge nî ǃanu.” (1 Petrub 1:15-16 KKG20).

 

Sada di ǂâibasens ga Eloba ǁÎb ǀnammi, ǀgaib tsî dīǀoaǀoasasib âb ǃaroma koasa nî māse ī, dī da ra xūn hoan ǃnâo, o da ge ǂhanuse a ǃoaba bi ǁkhā. Eloba ǃoabas ge hoaraga ǂgomsabena ǀhaoǀhao tsî ǁîna ra ǁkhā kaiǀnam tsîn nau khoen tsâsiga nî ǃgôase. ǀGui-i âda tsîn ge ǁî-aitsama Xristub khami a ī ǁoa, hoaraga soros Xristub disa i ge ra ū, ǀoasase Xristuba ǁgâiǂuisens ǃaroma. ǁKhôasase tsî ǂâibasens ǀkha nau ǂgomsabena ǂnubikhâis ǀkhan ge Xristeǁîna Elob di ǃoabas ǃoa, ǃgâi ǀōba ra mān ase a ī ǁkhā.

 

Elob ǀkha ǂkhîbagu kaihes ge ǁîǃnābe ǂkhîbagu kaihes ti ra ǂâibasen. ǀGui ǀgaub ǁîb aits Elob ǀkha ǂkhîbagu kaihe ǁkhāb ge hâ: Xristub ge sada Elob ǀkha ra ǂkhîbagu kai ǁÎb ǂûb ǀkha ǃhûǁare das ǃnâ-u. Jodeǁîn tsî Jodeǁî taman tsîn hoan ge ǀguitikōse a ǀhapixa ǁkhā gagasi ǂnīǂnīsens ǀkha — Jodeǁîna ǁîn ǁnaetigu ǁîna nau khoen ǂamai ra ǀgapiǀgapi ti ǂâi, Jodeǁî tamana ǁîn ǃâubasenoǃnâsib, ǁîn mâsib ǃnân, Xristub ǀguib ose ūhâba ǀurus ǀkha. ǃÛisen î tā sa ores xa ǂnīǂnīsen. ǁNās ǃās ǃnâ ǃgamǃgamsens ǀkha Eloba gangan satsab ge dīban ǃaroma î naun hîa ǂgoms ân ǃnâ ra ǃgomma tsâna ǂgaoǂgaoǃnâ. Namibiab ge a ǀgui soro, Jodeǁîn tsî Jodeǁî taman ge Xristub ǃnâ-u ra ǂkhîbagu kaihe.   ¹²ǁNā ǁaeb ǃnâ du ge Xristub ose gere ûi. Tsî du ge Israeli di ǁanisisa xu ǁaraǁnâhe tsî Elob ǃgaeǀhaodi di mîmâis ǃhaokhoese, ǃâubasenoǃnâ tsî Elob ose ǃhūbaib ǃnâ gere ûi. ¹³Xawe nēsi du ge Xristub Jesub ǃnâ sadu hîa ge ǁîba xu ǃnū i do, Xristub di ǀaob ǃnâ ge ǀgūǀgūhe. ¹⁶ǁÎb di ǁōb, ǃgâuhaib dib ǀkhab ge ǁîba khākhoesib hîa Jodeǁîn tsî Jodeǁî taman tsîn ǁaegu ge hâ iba toa kai, tsî Elob ǃoa hoa ǀgamna ǀgui khoese ge ǀhaoǀhao (Efeseǁîn 2:12-13 & 16 KKG20).

 

¹²Soros a ǀgui tsî ǂgui uniǁaede ūhâs ǁkhās khami, tsî ǂgui uniǁaedi a ǀgui soros ǁkhās khamis ge Xristub* sorosa ī, ¹³sada hoada ǀgui Gagaba xu ǀgui soros ǃnâ ǁāǁnâhe hâ xui-ao. Nēsi da ga Jodeǁî, Grikeǁî, khobo tamas ka io ǃnorasas hoasa da ge ǀgui Gagab ǃnâ ra amǃnâxa.  ¹⁴Soros ge ǀgui uniǁaes ǀguisa xu hâ tama hâ, xawe ǂgui uniǁaede xu hâ. ¹⁵ǂAis ga “ǃOm tama ta tsî ta ge soros di ǃâ tama” ti mî ǃkhais ge soros di ǃâsisa xus ǀgorahe hâ ti ǂâibasen tama hâ. ¹⁶ǂAis ga “ǃOm tama ta tsî ta ge soros di ǃâ tama” ti mî ǃkhais ge soros di ǃâsisa xus ǀgorahe hâ ti ǂâibasen tama hâ. ¹⁷Tsî soros hoas ga mû hâ io, o ǁnâu ǁkhās ga hâ? Tsî hoaraga soros ga ǂgae hâ, o ǃkhapa ǁkhās ga hâ? ¹⁸Xaweb ge Eloba soros ai uniǁaede, mâs hoasa ǁîs di ǃkhais ai ge mâi, ǂgaob ra khami. ¹⁹Hoadi ga ǀgui uniǁaes ǀguisa i hâo, o da ge soro-i xa ga ǃhoa tama hâ. ²⁰ǂGui uniǁaede da ge ūhâ, xawe ǀgui soros ǀguisa. ²¹Mûs ge ǃomma ǃoa “Satsa ta ǂhâba tama” ti a mî ǁoa tsîs ge danasa ǁkhāti ǂaira ǃoa “Saro ta ǂhâba tama” ti a mî ǁoa. ²²ǁKhātis ge sorosa ǂkhabusase ra mûsen uniǁaedi tsîna ǂhâba hâ. ²³ǁNā uniǁaedi ǀoro ǃgôasiba ūhâ ti da ra ǂâide da ge kai ǃgôasiba ra mā, tsî ǁnā uniǁaedi soros didi hîa taotaosa di ase ra ǃgapaǀîhede, kai ǂâisa ra ǂnûi-ai. ²⁴Anusase ī uniǁaedi ge ǀō-aisa ǂâisa ǂnûi-aihesa ǂhâba tama hâ, Elob ge ǁnāti sorosa ǃamǁare tsî kai ǃgôasiba ǁnā uniǁaedi ǁnāsa ǂhâba hâde mā xui-ao. ²⁵ǀGora-i soros ǃnâ hâ tide tsî di uniǁaede ǁîǃnābe ǀguitikōse nî ǂhansenbaguse. ²⁶Tsî ǀgui uniǁaes ga tsâ, o di ge hoa uniǁaede ra tsâǀhao tamas ka io ǀgui uniǁaes ga ǃgôasiba māhe, o di ge hoa uniǁaede ra ǃgâiaǂgaoǀhao.  ²⁷Sadu ge a Xristub di soro tsî i ge mâ-i hoa-e, ǁnā soros di uniǁae. (1 Korinteǁîn 12:12-27 KKG20).

 

ǂGomsabeda ase da ge ǀhûǁarebese da ūhâ khākhoeb ǃoagu nî ǃkham, ǁîǃnābeses ose. ǀGuiǃnâxase ǀnammi ǃnâ da ge Xristub ǀgaib xa ra ǂan. Hoaǁae ǀguipa sîsens, ǂâiǃgâs tsî ǁîǂâibasen tama is tsîna ǂâis ǃnâ ūhâ re. Sa ǂâisa Jesub Xristub ai ǃammâi re.

 

Xristub ǀkha da ge ūkhâihe, o da ge ge ǀhommi di ǁanǂgāsabe kai. ²⁰Xawe sada ge a ǀhommi di ǁanǂgāsabe tsî da ge ǁkhorexase sada ǃGâiǃōdī-aob, ǃKhūb Jesub Xristub, ǁnāpa xu nî hāba ǃâu hâ. ²¹ǁÎb ge sada di ǂkhabusa, ǁōǁkhā sorode ǁîb di ǂkhaisa soros khami di nî īse, ǁnā ǀgaib hoa xūna ǁîb ǂgaeǂguis ǃnaka ūhâb ǀkha nî ǀkharaǀkhara. (Philippians 3:20-21 KKG20).  ¹ǁNā-amaga, Xristub ǀkha du ǂkhaiǂkhaihe hâ xui-ao, ǀgapiseb di xūna ôa re, Xristub Elob di amǀkhāb ai ǂnôapa. ²Sadu di ǂâide ǀgapise hâ xūn ai ǂnûi re, ǃhūbaib ai hân ais ose. (Koloseǁîn 3:1-2 KKG20).

 

ǀAsa khoen Elob din, Jesub Xristub xa ǀhaoǀhaohe hân ase da ge a Elob Gaosib di ǁanǂgāsabe tsî ǁÎb oms di ǁanida ase. Gaosib ǁanǂgāsabeda ase da ge Elob di gaosis ǀkha ra ǀgui, sada ûiga Elob ge mîs âb ǃnâ mîs ǀgaus ǃoa. Mâ ǃhaos ǀguisats ga ī, xawets ga Elb ôa, ots ge a ǁÎb gaosib di ǁanǂgāsabe.  ¹⁹ǁNā-amaga du ge ǃaruǀî ǃhaokhoe tsî ǃhūsabe tama hâ, xawe du ge nēsisa Elob khoen ǀkha ǀhûǁanǂgāsabe tsî ǁîb omaris di ǁani. ²⁰Sadu ge apostelgu tsî kēbo-aogu tsîn ge ǁgui ǃgaoǃgaob, Xristub Jesub ǂûba ǁhôaǀuib ase ūhâb ai ge ǂnubihe.  ²¹ǁÎb ǃnâs ge mâ ǃâro-i ommi di-i hoa-i ge ǀhaoǀhaohe tsî ǃKhūb di ǃgôasib ǃaroma ǃanu Tempel-i kōse a dīhesa. ²²ǁÎb ǃnâs ge mâ ǃâro-i ommi di-i hoa-i ge ǀhaoǀhaohe tsî ǃKhūb di ǃgôasib ǃaroma ǃanu Tempel-i kōse a dīhesa. (Efeseǁîn 2:19-22 KKG20). Elob gaosib ǃnâ da ra hâ ǁaeb ais ge ǃKhūb Gagab di ûib xa da nî unuhe tsî ǁnumihesesa, ǀgaugu ǁîgu ǃnâ-us nēsa ǁnobeheǁoasa īb ǃoa nî īgu ǃnâ. ǀNî ǂgomǂgomsasigu tsî ai-īsigu tsîn ge ǀkhī tsî a bē ǁkhā, xawe ge sada ǃhūǁîsis ǁÎb gaosib ǃnâ da ūhâsa a ǀamo.

 

²Tsîb ge ǁîb di amǀkhāb ǂaisa hurib ai mâi tsî ǁareǀkhāb disa ǃhūb ai ge mâi (ǂHaiǂhais 10:2 KKG20). Sada ge ǀgam gaosikha ǃnâ ǁan hâ tsî hoakha ǃnâ ǃkhai-e ūhâ, xawe da ge tātsēs tsîna ǁîkha haba tide, tsî ǁîs ra mâǂoas ge, sada ǂgomǂgomsasiba da ge tātsēs tsîna ǀuru tide. Tsîts nē ǃhūbaib gaosigu di ǁanǂgāsabes tsîna i ǁaeb ǃnâs ge nē ǀgamǂgerexa ǃhūǁîsisa ǀguitikō ǃgomma tanisa ǂâibasenbahe tama hâ! Elob gaosib di ǁanǂgāsabe nîse īs ge khoena xu khaisen hâse ûi, ǁgâiǀāgu tsî nē ǀhûhâsib di ǂkhababa xu gaus ti ǂâibasen tama hâ. Xawe ra ǂâibasen ge nē ǃhūbaib di gaosidi ge mâǂoa hâ ǂâibasen-i, tamas ka io ai-īsi-e mā tsi tama hâ.    ¹⁹Tsî go ga ǃhūbaib di, ob ge ǃhūbaiba ǁîb khoena a ǀnam. Xawe go ge sago ǃhūbaib di tama tsî tita xa go ge ǃkhōǂuibasenhe amaga go ge ǃhūbaib xa ǁkhanhe hâ. (Johaneb 15:19 KKG20). Sa ǁgui-aimarisa matare re. ǁHûidi ǃnâ ǁhao re. Ûisa ôa-am re. Sa ǃās di ǃgâiba ôa re xawe ta kaesara Elob ǀguib ǂâibasenbahe hâ-e mā re.​​​