¹¹Ami me tjiwa omeripuriro ngu mbi na wo otja ku eṋe, omeripuriro wohange, nu nge he ri wotjiwonga, omeripuriro wokumupa oruveze ndu maru ya rwomaundjiro norwouṋingandu. ¹²Tji mamu ku ku ami namu kumbu ku ami, ami me mu zuvire. ¹³Nu tji mamu ndji paha, mamu ndji munu, tjinga amamu ndji paha nomitima vyeṋu avihe. ¹⁴Ii, ami me tja mamu ndji munu, nami me mu yarura ko mehi reṋu. Me mu wongo moviwaṋa na movirongo avihe mu mbe mu rimba, nu me mu kotora kehi mu mbe mu rambera kouhuura. Ami, ngu mbi ri Muhona, owami ngu mba hungire’ (Jeremia 29: 11-14).

 

¹⁷Jesus a ziri a tja: “Oove omuṋingandu, Simon, omuna wa Johanes! Orondu kamundu wonyama nombinḓu ngwe ku vandururire ouatjiri mbwi, nungwari oTate ngu ri meyuru. ¹⁸Nopu me ku raerere kutja oove Petrus, okutja oruuwa, nu kombanda yoruuwa ndwi ami me tungu ko okereka yandje, nomasa wotjovasengwa kamaaye i uru ko. ¹⁹Ami me ku pe otjipaturure tjouhona womayuru; nu atjihe tji mo pata kombanda yehi otjinga ama tji patwa meyuru; natjihe tji mo paturura kombanda yehi otjinga ama tji patururwa meyuru” (Mateus 16:17-19).   Omapirukiro womunavita okukondja okuyenenisa ondando ye kamaaye tona  kwete. Ete tji matu hanasana mbi ku novandu, omunavita kamaa tona mozondando ze okuvetizira mondorera nokuvetjita ovineya mokutjiwa oundu mbu vandururwa mu Kristus.

 

Mukuru wa ri nondando nonduri ko Namibia komurungu wombutiro youye. ⁴IOuye ngunda au hi ya utwa, Ndjambi we tu toororora okurira ove mu Kristus kokutja tu rire ovayapuke novehinandjo komurungu we (Ovaefese 1:4).

 

Ondando ye, onduri ye; embo arihe ra Ndjambi nomaporofetero nga hungirwa ko Namibia oyo “Ii” no Amen nu maye ya komaenenisiro. ²⁰Ongu ri o “Ii” komakwizikiro aehe wa Ndjambi. Komuhingo mbwi eṱe mu Jesus Kristus opu tu tjera “Amen” kondjozikiro ya Ndjambi. ²¹Ndjambi ongwe tu zikamisa pamwe na eṋe  mu Kristus. Ndjambi omuini we ritoororera eṱe, ²²nu wa twako otjihako tjouini we ku eṱe ne tu pe Ombepo Ondjapuke momitima vyetu otja otjiyambo tji ma tji raisa kutja eṱe oweṱe ove erike (2 Ovakorinte 1:20-22).

 

oRepublika ya Namibia  otjiwana tjimwe kehi ya Mukuru, otja tji pasembamisiwa omayuva tji ya ri (21 Seninarindi 2020.)

https://gatewaynews.co.za/petitioning-the-namibian-constitution-in-the-courts-of-heaven-melani-bamberger/

 

oNamibia ondambo ya Mukuru. Ondambo ndji ouhatoi mbu  munika komikuro nomikoka vyotjikarata tja Namibia. ³Otja punga amba raera ku Moses ami mba yandja indi ehi arihe mu ma mu ryanga ku eṋe, otjiwaṋa tjandje (Joshua 1:3). ²¹Ṋe wina, tjiri, mwa isanenwa otjiṋa hi i Ndjambi, Kristus omuini tjinga a hihamisirwa eṋe, nu tjinga e mu pa otjihorera kokutja eṋe mu yate mozondambo ze (1 Petrus 2:21). ⁷Kakokuwa okumuna omutumwa tji ma tuurunga ozondundu ama eta ombuze ombwa are, indji ombuze yohange noyondjamo? Eye ma tjivisa outoṋi ama tja nai kOsion: “Ndjambi woye eye ombara!” (Jesaja 52:7).

 

oNamibia mari rire ehi rondjamo nu ku maku taurirwa tjimuna otjihuro tja Zoar. ⁸Nu ngave ndji ungurire ondjuwo kutja mbi ture mokati kawo. ⁹Ungureye inga omaturiro noviṋa, mbi ri mu wo otja komasanekero ngu me mu raisire (Eksodus 25:8-9). ²⁰Tara, okahuro ngo ke ri popezu okutupuka ku ko! Oko okarongo okaṱiṱi; ndji esa mbi yende ngo, mbi kahupise omuinyo wandje.” ²¹Nu Muhona wa zira a tja: “Ii, osemba; ami me ku zuvire mu ihi wina, hi nakuyandeka okarongo ngo ku wa hee. ²²Tupuka hakahana! Orondu ami hi notjiṋa tji me tjiti ove ngunda au hiya vaza ngo (Genesis 19: 20-22).

 

oNamibia mari rire otjimbamba tjozomboroto nondopa koviwana. ²Neneparisa ondanda mu wa tura; nanununa ozongoze zayo, nu u pamise nawa ozomboha zayo! ³Ovihuro nambano mbi ri tjo mavi ura novanduve mo tandavarisa omikurovyoye kominda avihe; ozondekurona zoye maze kotorerwa ehi nambano mu mwa tura oviwaṋa vyarwe. ⁶Israel, ove u ri otja omukazendu omutanda ngwa isiwa i omurumendu we, ngwa ningisa ondjenda tjinene, orondu eye tjinga e he mu suverere tjimuna indu tje mu suverere mousuko we. Nungwari nambano Muhona me ku isana u kotoke ku ye, ama tja. ¹³Ami omuini me hongo ovature voye, nu meve pe ouṋingandu nohange. ¹⁴Ousemba mau ku zeuparisa. Ove mo yamwa koṋiṋikizire na kooma na kondiriro (Jesaja 54:2-3; 6; 13-14.)

 

Ouyere wa Mukuru uri kombanda yOvanamibia. Otja tji matu rese omakwizikiro nga matu zeri omayenenisiro yawo. Posiya ete matu sokuundja nomuretima- Oruveze rwe orunahepero tjimuna omatwirisiro we. Muhona eye ongu na ouvara norukapitaveze nu.

 

¹Sekama, Jerusalem, u yere otja eyuva; orondu nongeṋangeṋeno ya Muhona mai yere kombanda yoye! ²Oviwaṋa vyarwe mouye mavi vandekwa i onḓorera. Nungwari ondjerera ya Muhona mai yere kombanda yoye; ongeṋangeṋeno youkarepo we mai munika kombanda yoye. ³Oviwaṋa mavi nanwa i ondjerera yoye, nozombara maze nanwa i ozohanya zomuhuka. ⁴Yevayeva u mune imbi mbi mavi tjitwa! Otjiwaṋa tjoye matji wongara okukotoka konganda. Ovanatje voye ovazandu mave zu kokure; ovanatje voye ovakazona mave etwa ava verekwa otja ounatje. ⁵Ove mo munu otjiṋa hi no urisiwa nondjoroka. Mo kara nondira momutima woye nenyando. Ovihuze noutumbe vyoviwaṋa mavi etwa koveokuza munda mbwina yokuvare. ⁶Otutjindo twozongamero matu ya okuza kOmidian na Efa. Otwo matu zu kOseba amatu eta ongoldo novyomoro omuwa. Ovature va Saba mave serekarere ombuze ombwa yaimbi Muhona mbya tjita. ⁷Ozonḓu azehe za Kedar nozondwezu zozonḓu za Nebajot  maze etwa kove ze rire ozombunguhiro, nu maze punguhirwa kotjipunguhiro kutja ze yandje onyuṋe ku Muhona. Muhona ma yerisa ondjuwo ye komurungu waindu rutenga. ⁸Ozondjuwozomomeva zatjike nḓo ndu maze ya otja ovikamba, notja ozonguti nḓu maze kotoka koviruwo vyazo? ⁹Ozo ozondjuwozomomeva nḓu maze zu komakoverwa, nḓu maze kotora otjiwaṋa tja Ndjambi konganda. Ozo maze eterere osilveri nongoldo okuyozika ena ra Muhona, Omuyapuke wa Israel, ngwa tjiti kutja oviwaṋa avihe vi yozike otjiwaṋa tje. ¹⁰Muhona ma tja nai kOjerusalem: “Ovozonganda mave tungurura otumbo twoye, nozombara zawo aze ku karere. Ami mbe ku vera momazenge wandje, nungwari nambano me ku raisire ondjingonekero notjari tjandje. ¹¹Omivero vyoye mavi kara kamwaha ouṱuku nomutenya, kokutja ozombara zoviwaṋa ze ku etere outumbe wazo. ¹²Nungwari oviwaṋa nomauhona nge hi nokukukarera mavi nyonwa oparukaze. ¹³“Omiti omiwa vyehwa ra Libanon, okutja omiparara nomiṱati nomizema mavi etwa okuyekutungurura ove, Jerusalem, okuhareka ondjuwo yandje i rire ombwa omanise nokuyandja ondjozikiro kotjihuro tjandje. ¹⁴Ovanatje ovazandu vaimba mbe ku ṋiṋikiza mave ya nave rikotere kove okuraisa ondjozikiro yawo. Avehe mbe ku nyengwa mave rikotamenene pozombaze zoye. Owo mave ku isana nai: ‘Otjihuro tja Muhona, Sion, Otjihuro tjOmuyapuke wa Israel’. ¹⁵“Ove ko tji nokuuhara amo imbirahiwa nokunyengwa nokurira otjihuro ongaango tji tja isiwa. Ami me ku tjiti omunene nomuwa omumanise, otjirongo tjenyando, ndi mari karerere nga aruhe. ¹⁶Oviwaṋa nozombara mavi rikendere ove otja ina tjinga e nyamisisa okanatje ke. Ove mo tjiwa kutja ami, ngu mbi ri Muhona, mbe ku yama, nokutja Ndjambi omunamasa wa Israel me ku kutura. ¹⁷“Ami me ku etere ongoldo moruveze rwongoporo, nosilveri nongoporo moruveze rwovitenda nomiti, novitenda moruveze rwomawe. Ovahonapare voye kave tji nokukuṋiṋikiza; ami meve pe omasorero okuhonapara nousemba nohange. ¹⁸Ozondjito zoutwe kaze tji nokuzuvaka rukwao; omanyoneno kaye tji nokuzezerisa ehi roye rukwao. Ami me ku tjevere nu me ku yeura tjimuna orumbo. Ove mo ndji tanga tjinga ambe ku yama. ¹⁹“Eyuva kari tji nokurira ondjerera yoye mutenya, nomueze kau tji nokurira ondjerera yoye ouṱuku; ami, ngu mbi ri Muhona, ongu me rire ondjerera yoye yaaruhe; ondjerera yongeṋangeṋeno yandje mai yere kombanda yoye. ²⁰Omayuva woye woruhoze maye yanda. Ami, ngu mbi ri Muhona, ngu me rire ondjerera yoye yaaruhe. Ondjerera yandje mai karerere pu indji yeyuva nomueze. ²¹Ovature voye avehe mave tjiti imbi mbi ri ovisemba, nehi a ririre ouini wawo nga aruhe. Ami mbe ve kuna tjimuna otjikunino, nu mbe ve uta kutja ve serekarere ounene wandje koviwaṋa avihe. ²²Nangarire eṱunḓu roye okaṱiṱiṱiṱi ndi hi nanḓengu, mari rire otja otjiwaṋa otjinene notjinamasa. Oruveze orusemba tji rweya, ami me yenenisa otjiṋa hi tjimanga. Ami ngu mbi ri Muhona, mba hungire” (Jesaja 60:1-22).

 

Ehi ndi oNamibia ombu onguru ndji mai hepa okupatururwa. Ondjoroka novihape vyonguturiro orupa roye Namibia - otjiyarisiro tjouwa nomazeuparisiro kotjiwana hi. Mukuru otja tje ri  omupupu motjari wina otje ri omukukutu mombanguriro. Omeurisiro wouyapuke wa Muhona ye vandururwa I yonyengo Ye kourunde nu imbi vi twara kombanguriro. Omeuririso wouyapuke We nga, ye  vandururwa okuza morusuvero mu imbi Eye mbya mema. Imbi vi twara kotjari ku imba  mbe hi na va ri ovasemba, posiya mbe mu suvera katjotjiri nu mbe na onduviro ku Ye.

 

¹Okuti onguza maku nyanda, nozongara maze nyomaka. ²Okuti onguza maku imbura naku ravaere nondjoroka; oko maku rire okuwa okumanise otja ozondundu za Libanon, nu aku rire okuhapise otja ovikunino vya Karmel na Saron. Auhe ma munu ounene wa Muhona, imbwi ouwa oumanise wa Ndjambi wetu. ³Zeupariseye omake nga urwa, nu mu kukutise ozongoro nḓu maze teratera. ⁴Raereye nai ku auhe ngwe rihahiza: “Yanḓipara nu o tira! Tara, Ndjambi meya okukuyama, meya okuvera ovanavita na ove.” ⁵Omupoṱu ma munu, nomboro mai zuu; ⁶nomuremane ma tuka peyuru otja ongoṱu, nu imba mba seta omaraka mave ravaere nondjoroka. Oturonḓu matu pupu okutuurunga okuti onguza; ⁷eheke, ndi mari pi, mari rire erindi, nehi ekukutu mari ura notuharwi. Moṋa mu yamu tura ozombandje mamu hapa ehozu notuu. ⁸Mape kara ondjira ombaranga mbo, ndji isanewa kutja “Ondjira yOuyapuke”. Kape nomunauvi ngu ma ryanga mondjira ndji. Kape nomundu eyova ngu ma kayenda mu yo. ⁹Mu yo kamu nokukara ozongeyama; kape novipuka ovinyondorore, mbi mavi kapita mu yo. Imba Ndjambi mba kutura, ombu mave ryanga mondjira ndji. ¹⁰Novakuturwa mba mave kavaza kOsion nondjoroka, amave imbura nokuravaera nenyando. Owo aruhe mave yoroka, nokurira noruhoze avi yanda nga a (Jesaja 35: 1-10).​​​