​​​

 

 

⁶ǁNā-i khoe-e xu ǃnae hâ-i ge a khoe, xawe Gagaba xu ǃnae hâ i ge a gaga.

(Johaneb 3:6 KKG20)​

​​​​

¹Tsoatsoas ǃnâs ge Mîsa ge hâ i tsîs ge Mîsa Elob ǀkha ge hâ i tsîs ge Mîsa ge Elo i.

²ǁÎs ge tsoatsoasa xu Elob ǀkha ge hâ i.  ³ǁÎs ǃnâ-ub ge Eloba hoa xūna ge kuru; ǀgui xū-i tsîn ge ǁîs ose kuruhe tama hâ. ⁴Nē Mîs ge ge ûib di ǀau ia tsîb ge nē ûiba ǃnâba khoesiba ge hā-ūba. ⁵ǃNâb ge ǃkhaenab ǃnâ ra ǃnâ tsî tātsē ǃkhaenab xa ǀarihe ǁoa. (Johaneb1:1-5 KKG20)

​​​​​

¹⁰⁵Sa mîs ge ti ǂaira ǃamǀaese ība

tsî ǃnâse, ti ûib di daob ai.

¹⁰⁶Tita ge nūsa ge dī tsî ta ge ǁîs ai mâ:

Sa ǂhanu-ai ǀgoraǃgâde ta nî saosa.

¹⁰⁷Kaise ta ge ge tsâ

ǃKhūtse sa mîs ǃoa ûi-ûi te re.

(Psalmdi 119:105-107 KKG20)​

​​​​

¹²Ob ge ǃKhūba “ǂHanusets ge go mû. Tita ge ti mîsa ǂkhaikari hâba tsî ǁîsa nî dī” ti ge mî.

(Jeremiab 1:12 KKG20)

​​​​​​​​​

Nēs ge ǃKhūba xu tita ǃoa ge hā mîsa: “Hoaraga mîsi sa ǀkha ta ge ǃhoade ǂkhani-i ǃnâ xoa. Tita ge nē ǁaesa ǁkhawa ǀgui ǃnāsa nî ǁnobeǁnobe. Tita ge ra ǃgâiaǂgao sa ǂhôasa xoaǃgâ tsî sa ǃnâ-u tsî sa ǃnâ sîsensa, Ti ǃgâi ǂâibasensa dīǀoaǀoas ǃoa. ǁÎb di nē hâ ǁaeb oms di ǂkhaisib ge aiǃâkam oms dib xa nî kai, tib ge ǃKhūb Hoaǀgaixaba ra mî.”

(Melani Bambergers xa ǃamǁarehe hâ)

​​​​

​

³⁷Ob ge Jesuba ge ǃeream: “‘ǃKhūb sa Elobats ge sa ǂgaob, ǀoms tsî ǁnâuǃāb hoab ǀkha nî ǀnam.’³⁸Nēs ge ǁîs a ǂguro tsî kaise ǂhâǂhâsa mîmāsa.³⁹Tsî ǁîs ǀgamǁî kai tsî ǁnās ǁkhās xase a ǂhâǂhâsa mîmās ge: ‘Sa ǀgūkhoe-ets ge sats ǁkhāts khami nî ǀnam.’⁴⁰Nē ǀgam mîmāra ǃnâ i ge hoaraga Moseb ǂhanub tsî kēbo-aogu di ǁkhāǁkhādi tsîna ǃkhōǂgāsa.” (Mateub 22:37-40 KKG20).

 

Mateub 22:37-40 is the foundation of the Namibian constitution, with Jesus Christ Himself as the cornerstone.  ¹⁶ǁNā-amagab ge ǃKhūb Eloba ra mî: “Sions ǃnâ ta ge ǃgaoǃgao ǀuis, ǃâiǂuisa ǀuis, ǀō-aisa ǀuis, ǁaposa ǃgaoǃgaoba nî ǁgui. ǁNā-i hîa ra ǂgomǃgâ-i ge ǂhansen tide.¹⁷ǂHanuba ta ge ǁgarab ase nî dī tsî ǂhanu-aisiba ǀnō-ūtsurib ase.” ǃNareb ge ǂhumib ǃgareǀuiba nî ǀnapubē tsî ǁgamgu ge ǁîb hâǃkhaiba nî dâuǃkhū (Jesajab 28:16-17 KKG20). 

 

Kaise a ǀgū ǃgûǁareb ǁGûb ǀkha hâb ǀguib ge ǁkhowa-ammi, mîmâidi ǁuiǂgaes, ǁÎb di ǂgaob ǃnâ hâs diba ra mā da. ǁNā-amagab ge nē ǃhūǂhanuba sada ǃKhūb Jesub Xristub ǀkha da ūhâ ǃhûǁareb di ǃgaoǃgaob ai a xoasa. ǁÎb ǀkha da ūhâ ǃhûǁareb ǃaroma da ge ǁÎba ǀnam tsî ǁnâuǀnamsa ra ǁkhore, dī da nîse ī xui-aos ose, xawe dī ǂgao da hâ amaga, ǁhûis ǃnâ-u. ǀNammi xa ǂgaoǂgaoǃnâhe hâse — xū-i hoa-i ge harebeoǃnâ tsî hîkākās ǃoa hâ, ǀnammi, ǂâiǃgâs, tsâbaǁhaos tsî naun ǀkha tsâǀhaos ose i ga dītsâheo.

 

¹Khoen tsî ǀhomǃgāgu di gowaga ta ga ǃhoa, xawe ta ga ǀnamma ūhâ tama io, o ta ge ǀō ra ǀurise tamas ka io ǂnauhe ra simbalse ī. ²Kēbo ǁkhā ta ka tsî ǂganǃgâsigu hoaga ta ga ǂan, hoa ǂans hoasa ta ga ūhâ tsî ǂgoms ǃhomga ta a gongonū ǁkhās hoasa, xawe ta ga ǀnamma ūhâ tama i, o ta ge xū tama hâ. ³Ū ta hân hoana ǀgâsana mā tsî ta ga ti sorosa ǂhubihes nîse māǁnâ, xawe ta ga ǀnamma ūhâ tama i, o i ge tita xū-e harebeba tama hâ.  ⁴ǀNammi ge ǃnūǃnâxa tsî a ǃgâi, ǀnammi ge suri tama hâ, ǀnammi ge koasen tama tsî ǀgapiǂâixa tama hâ. ⁵ǁÎb ge ǁgauoǃnâse tanisen tama hâ, ǁîb di ǃgâi-eb ôabasen tama hâ, ǃhaeseb ǀarakaisen tama tsîb ǁîb ǃoagu ra dīhe tsū xūna ǃgôakhâi tama hâ. ⁶ǂKhabab ǃnâb ǃgâiaǂgao tama, xaweb amab ǃnâ ra ǃgâiaǂgao. ⁷ǀNammi ge hoana ra taniǀnam, hoana ra ǂgom, hoana ra ǃâubasen tsîb hoana ra taniǀnam.  ⁸ǀNammi ge tātsē ǀuni tideba, xawe kēbodi di mās kao, ǁîs ge nî kā, ǃkharaga gowaga ǃhoas di mās kao, ǁîs ge nî ǀam, ǂans di mās kao, ǁîs ge nî kā. ⁹ǃKharese da ǂan tsî ǃkharese ra kēbo xui-ao, ¹⁰xawe dīǀoaǀoasib ga hāo, os ge ǃkhareǃkharesa nî kā.¹¹ǀGôa ta ge i, o ta ge ǀgôa-i khami gere ǃhoa, ǀgôa-i khami gere ǂâi, ǀgôa-i khami gere ǀgora; xawe kaiǀoa ta geo, o ta ge ǀgôasi xūna ge ǀû. ¹²Mûsenǃnâxūs ǃnâ da ge noxopa ǀhoese ra mû, xawe ǁnā ǁaeb ai ǃgāsase nî mû. Nēsi ta ǃkharese a ǂan, xawe ta ge ǁnā ǁaeb ai ǀoasase nî ǂan, tita Elob xa a ǂanhes ǁkhās khami. ¹³Xawe nēsi ra ǃgaun ge ǂgoms, ǃâubasens tsî ǀnammi tsîna; tsî nē ǃnonan ǃnâ a kaib ge ǀnamma. (1 Korinteǁîn 13:1-13 KKG20).​​​