​​​

 

 

⁶Ihi tji tja kwatwa momundu otjomundu, nu tji tja kwatwa mOmbepo otjo ombepo.
(Johanes 3:6)​​​

​

¹Ouye ngunda au hiya memwa, indi Embo tjandje opu ri ri; Embo ndi ra kara pu Ndjambi, nEmbo ondi ri Ndjambi. ²Okuza kombutiro eye wa kara pu Ndjambi. ³Ndjambi wa mema oviṋa avihe mu ye, nu nokuhinaye kape memenwe otjiṋa nangarire tjimwe mu imbi avihe mbya memwa. ⁴Mu ye omu mwa za omuinyo, nomuinyo mbwi ombwa eta ondjerera kovandu. ⁵Ondjerera i yera monḓorera, nonḓorera kai na pu ya zemisa ondjerera ndji.

(Johanes 1: 1-5)​​​

​

¹⁰⁵Embo roye oro emunine ndi ndji hongorera; noro ondjerera mondjira yandje.

¹⁰⁶Ami mba yana, nu me panḓere poruyano ndwi, kutja me ṱakamisa omazikamisiro woye.

¹⁰⁷Omihihamo vyandje, Muhona, tjiri, omizeu tjinene; ndji kareka nomuinyo otja pu wa kwizika.

(Omapsalme 119:105-107)

​​​​​​

¹²Muhona wa tja: “Ove u ri osemba, orondo ami me undju nombakatwi inga omayenenisiro wembo randje.”

(Jeremia 1: 12)

​​​​​​​

Indi embo nde ya ku ami okuza ku Ndjambi:  Omambo ayehe ngu mba hungire kove tjanga membo.  Ami me kurakurisa otjiwana rukwao. Ami mbi na onyune mokutjangurura etjangwa roye rukwao nokukaenda komeho okuungura oviungura vyandje move  okuyenenasa ozondando zandje.  Ondjuwo ya Muhona indji ombwa mai rire omanise tjinene Muhona omunamasa aehe matja nao.

(Omuworonganise: Melani Bamberger)

​​​​​

​​​​​

³⁷Jesus a ziri a tja: “Suvera Muhona Ndjambi woye nomutima woye auhe nomuinyo woye auhe nozondunge zoye azehe. ³⁸Indi ondi ri etwako enanḓengu netenga. ³⁹Netwako oritjavari ndi ṱeki pekwao ndi oro ndi: Suvera omukweṋu otja tji we risuvera omuini.  ⁴⁰Momatwako yevari nga omu mwa wanena Omatwako wa Moses aehe nomahongero wovaprofete (Mateus 22:37-40).

 

Mateus 22:37-40 Ondikameno yoveta ya Namibia, pu na Jesus Kristus ondji ri ewe rotjikoro. ¹⁶Nambano Muhona Ndjambi ma tja nai: “Tara, ami me twa po omazikameno mOsion, omazikameno omazeu nomanamasa. Mu wo ami me ziki mo ewe ehuze rotjikoro ku kwa tjangwa omambo nga: ‘Ngu nongamburiro ke nokuivaiva.’ ¹⁷Ousemba ombu mau rire ongoze osaneke komazikameno nga, nouṱakame mau rire ongoze yokutunga” (Jesaya 28:16-17).

 

Oukare po wopopezu oukoto ombu tupa otjipaturure tjotjiundikwa  otjihuze otja komakwizikiro nu otjiundikwa hi otjo omutima wa Ndjambi.  Ongundeveta ndji ya tjangerwa, okuza korusuvero noukarepo wetu wa pu na Muhona Jesu Kristu. Mena roukare po wetu pu na Ye ,tu na ondero yokumusuvera nokukara nonduviro ku Ye, ka mena rokutja tu so, nungwari omena rokutja tu vanga otja kouvange  wetu.  Nokuhina orusuvero  avihe omungandjo,  posiya orusuvero ru tupa okukarara nakunatja, otjari nondjenda ku varwe, imbi vi tu pa omasa nokututunduuza.

 

¹Nende hungire omaraka wovandu nowovaengeri, nungwari ambi hi norusuvero, mba rire otjitenda tji matji rokoha, nondiwo, ndji mai pose! ²Ami nandi mba kara notjiyandjewa  tjokuzuvarisa ombuze ya Ndjambi, nende tjiwa oviundikwa avihe, nandi mba kara nondjiviro aihe, nu nandi mba kara nongamburiro aihe okusokurundurura ozondundu, nungwari ambi hi norusuvero, ami kawami otjiṋa. ³Nende yandja ouini wandje auhe kovandu, nu nende yandja orutu rwandje kokuningiririsiwa, nungwari ambi hi norusuvero, imbi avihe omungandjo. ⁴Orusuvero ru nomuretima, ru nouwa; orusuvero karu neruru nu karu ritongamisa nu karu rihivi. ⁵Orwo karu nongaro mbi nu karu ripahere ombwiro yarwo nu karu handjisiwa; orusuvero karu zemburuka ouvi; ⁶orwo karu nyandere ouhasemba, nungwari ru yorokera ouatjiri. ⁷Orusuvero ru zara oviṋa avihe nu ru nongamburiro moviṋa avihe, ru nomaundjiro moviṋa avihe nu ru nonḓaro orure mu avihe. ⁸Orusuvero kamaaru yanda ko, nungwari otjiyandjewa tjokuzuvarisa ombuze ya Ndjambi matji yandekwa; nokuhungira omaraka pekepeke maku mwinisiwa, notjiyandjewa tjondjiviro matji kapita. ⁹Orondu ondjiviro yetu yokutjiwa Ndjambi okarupa okaṱiṱi uriri, nokuzuvarisa ombuze ya Ndjambi kwetu oko wina okarupa okaṱiṱi uriri; ¹⁰nungwari ouatjiri auhe tji wa munika, imbwi outupa ouṱiṱi mbwi mau yandekwa. ¹¹Ami tji mba ri omuatje, ee hungire otja omuatje, nu ee rizemburuka otja omuatje, nu ee ripura otja omuatje. Nungwari nambano tji mba rira omurumendu, mba za ko koviṋa vyounatje. ¹²Ihi eṱe tji matu munu nambano, tji ri otja otjisanekero motjiritarero otjiṱumbe, nungwari eyuva rimwe avihe matu vi munu otja tjinga avi ri tjiri. Nambano ami me tjiwa outupa ouṱiṱi uriri, nungwari eyuva rimwe me kevitjiwa okuura otja Ndjambi tjinga e ndji tjiwa nai. ¹³Nu imbi vitatu mbi mavi karerere: Ongamburiro nomaundjiro norusuvero. Nu ihi tji tja kapita avihe mbi orondwi orusuvero (1 Ovakorinte 13:1-13).​​​​​​