¹¹Tsîn ge ǁîna ǁîb ǂama dansa ge hō, ǁKhaob di ǀaob tsî ǂhôas hîan gere ǃkhō-ams ǃnâ-u. ǁÎn ge ǁnātikōse ûib âna ge ǀnam tama hâ i, ǁōn nî ǃkhaisan nî ǃaos kōse. (ǂHaiǂhais 12:11).  ǁŌb ge ǃgâuhaib ai ǁō tsî ǀasa ǃharib, ǀāsa ǃhūbaib diba ge sīǃnâ. ǃGâuhaib ge dans ǃoa hâ, xawe ǂkhaisib ǃaroma hâ dao-amsa ra ǁkhowa-am. ǀNî dao-i ge a ǀkhai. ǃGamse ǃgâus ǀkha ǁāǁnâhes ǀkha ta ge îbe ǀgapise gagab ǃnâ ra ǃapa.

 

Ab Eloba ǃkhomma mā du re î du ǃkhamsa ǁnâuǃā tsî mûǂan. Nēs ge toas nîs kōse nî ǃkhamhe ǃkhamsa, xaweb ge Jesuba ǀnai dansa ǃgâuhaib ai ge hā, ǁÎb ge “Dītoahe go” ti mîo. ǀAmosib ge sada ǁaeb ǃnâ ge ǂgâxa tsî-i ge ǁae-e ǃaruǀî hâ tide. Ab Eloba ǂhanu mîǁguiga dīs ǃoa ǀkhae du, amab hîa a Elob di mîs ǀkha î du amab ǃoa oaǀkhī ǁkhā.

 

³¹ǀHommi tsî ǃhūbaib ge nî ǃgû-ī, xawe ti mîdi ge tātsēs tsîna ǃgû-ī tide.  ³²“Xawe khoe-i xare-i ge tsēs tamas ka io iri nē xūn nî ība a ǀū. ǀHomǃgān tamas ka io ǀGôab tsîn ge ǂan tama hâ, ǁGûb ǀguib ge a ǂan. ³³“Xawe khoe-i xare-i ge tsēs tamas ka io iri nē xūn nî ība a ǀū. ǀHomǃgān tamas ka io ǀGôab tsîn ge ǂan tama hâ, ǁGûb ǀguib ge a ǂan. (Markub 13:31-33 KKG20).

 

⁴⁰Sadu tsîn ge ǂhomisen hâse nî hâ, mâǁaeb Khoen Ôaba nî hāsa du a ǀū xui-ao”  (Lukab 12:40 KKG20).

 

²Ti ǀgores ge ǁGûb sada Elob tsî Xristub Jesub sada ǃKhūb tsîn nî ǀkhommi, ǀkhomxasib tsî ǂkhîb tsîna ǃnare tsi ǃkhaisa. ³Sats ǃaroma ta ge Eloba kai gangansa ra mā. ǁNā Elob ti aboxagu khami ta ǃanu ǂgaoǂans ǀkha ra ǃoababa tsî ta ge hoaǁae ti ǀgoredi ǃnâ ǀû tamase gere ǀgoreba tsi.  ⁴Sa ǁgamrogu ǀuni khom ge ǀhao tsî ǀgora, o gere ǂnâga ta ge ǀuru tama hâ tsî kaise ra ǁkhore ǁkhawa khom ga ǀhao ǃkhaisa. Nēs ge kaise nî ǃgâiaǂgao kai te. ⁵ǂHauǃnâ ǂgoms, aibe sa ǁnaosas Lois tsî sa îs Eunikes tsîra ǃnâ ge hâ isats nēsis tsîna ūhâ ǃkhaisa ta ge ra ǂâihō. ⁶ǁNā-amaga ta ra ǂâiǂâiǃnâ tsi, îts tita gere ǃomkha ǁgui-ai tsi tsēs aib ge Eloba mā tsi ǀō-aisa ǂansa, ǀaesa ǁhabuǃnâs khami ûi-ûiǃnâ.  ⁷Elob ge ǃaob di gagasa mā da tama ge i, xawe ǀgaib, ǀnammi tsî ǁkhaesens disa mā da xui-ao.  ⁸ǁNā-amaga tā tao, nau khoen aiǃâ sada ǃKhūb xa ǃkhō-amsa tsî tita xa Xristub ǃaroma ta ǃkhō-oms ǃnâ ǂnôa ǃkhais xa. Xawe Elob mā tsi hâ ǀgaiba sîsenū, î ǃGâiǂhôasa aoǁnâs ǃaroma tita ǀkha tsâǀhao. ⁹Elob ge sada ore tsî ǃanu ǂgais ǀkha ǃanu ûib ǃoa ge ǁhûiǂui. Nēs ge sada di ǃoaǂuisa xu tamasa, xawe ǁîb di ǀapes tsî ǀkhommi ǀnai ge ǃhūbaib di tsoatsoas aiǃâ hâ iba xu. ǁNā-amagab ge Xristub Jesub ǃnâ-u ǁîb ǀnammi tsî ǃgâisiba ge ǁgau da. ¹⁰Tsî Xristub Jesub, sada ǃGâiǃōdī-aob di hās ǃnâ-us ge nēn hoan nētsē hoada a ǂhaisabasa. ǁÎb ge ǁōb di ǀgaiba khôaǃā tsî ǃGâiǂhôas ǃnâ-u ǀamo ûib di daoba ge ǁguiba da.  ¹¹Tsî Xristub Jesub, sada ǃGâiǃōdī-aob di hās ǃnâ-us ge nēn hoan nētsē hoada a ǂhaisabasa. ǁÎb ge ǁōb di ǀgaiba khôaǃā tsî ǃGâiǂhôas ǃnâ-u ǀamo ûib di daoba ge ǁguiba da.  ¹²tsî nē ǃkhais ǃaromas ge ǃkhō-oms ǃnâs tsîna ta ra tsâsa. Xawe ta ge tao-i tsîna ūhâ tama hâ, ǂan ta a amaga, tari-i ǃnâ ta ti ǂgomǃgâba ūhâ ǃkhaisa, tsî ǁkhāti ta ǃgâise ǂan amaga ǀuni tsēs kōseb Xristuba ǂgomǃgâ bi ta ge-e nî ǃûisa.¹³Tita xuts ge ǁkhāǁkhāsen ǂuru ǁkhāǁkhāsa aiǁgause ǃkhōǀgara. Tsî Xristub Jesub ǃnâts ūhâ ǂgoms tsî ǀnammi tsîkha ǃnâ hâhâ. ¹⁴Tsî ǂgomǃgâhets ge amaba ǂōrisase ǃkhōǀgara, ǃAnu Gagab di ǀgaib sada ǃnâ ǁan hâb ǀkha  (2 Timoteub 1:2-14 KKG20).

 

¹Timoteutse, ǁkhoase ta ge ra mîmā tsi, Elob tsî Xristub Jesub tsîkha aiǃâ, Gao-aose ûitsaman tsî ǁō hân tsîna nî ǀgoraǃgâse nî hāba:  ²ǁKhoase Elob di ǃGâiǂhôasa ǁaeb tsî ǁae tamab ai ǀû tamase aoǁnâ. ǃNūǃnâxasib ǃnâ khoena ǁoren âna mûǂan kai, ǂgōǀau tsî ǂuru ǁkhāǁkhās ǀkha ǀgaiǀgaiǃnâ. ³ǁAeb nî hā amaga, khoen nî ǂuru ǁkhāǁkhāsa ǂharaba. Tsîn nî ǃnāsase ǁkhāǁkhā-aon hîa ǁîn ra ǂgao tsî tura xūn ǀguina ra ǃhoana ǀhaoǀhaobasen ǃkhaisa. ⁴Amab ǃoagu ǁîn ǂgaede dawa tsîn ge ǀnoreǃhoa-ain ǀguina nî ǃgâ ǂgao. ⁵Xawe nē mâsigu hoagu ǃnâ ǁnâuǃāxa ǂâisa ūhâ. Tā ǃKhūb ǃaroma tsâsa ǃao, î nauna ǃGâiǂhôas ǀkha Xristuba hareba. Elob di ǃoaba-aose ǀams kōse sîsenni âtsa dī.  ⁶Tita Pauluta ǃnās xasa, ti ǁōb di ǁaeb ge go ǀgūtoa tsî ta ge ti ûiba, Eloba ǀnai ge ǁguiba āǁguibas altari ai ra ǂnâǂuihes khami. ⁷ǃGâi ǃkhamsa ta ge ǃkham, ǃgûsa ta ge dītoa tsî ǂgomsa ta ge sâubasen. ⁸ǁNā-amagas ge ǂhanu-aisib di kronsa ǃâu te hâ, ǃKhūb ǂhanu-ai ǀGoraǃgâ-aob nî ǁîb di ǁkhawa hās di kai Tsēs ai mā tesa, Elob ǀkhas nî ǂhanu-ai kai tese. Xawe tita ǀguita tama i tsî hoa khoen hîa, ǁîb di ǂkhaisa ǁkhawa hāsa ǀnammi ǃnâ ǃâu hân tsîna (2 Timoteub 4:1-8 KKG20).

 

Tawede du ta ge ra sada ǃKhūb Jesub Xristub di ǀons ǃnâ.

 

Amen.​​​