¹¹Tita ge ǁnā ǂâidi sadu xa ta ra ǂâide a ǂan xui-ao, ǂâidi ǂkhîb didi tsî ǂkhabab di tamade, î ta ǁnā ǃgoaxaǁaeb ǁîba du gere ǃâubasennab mā du”tib ge ǃKhūba ra mî. ¹²“O du ge tita ǂgaiǀî tsî hā tsî tita ǃoa nî ǀgore, o ta ge nî ǁnâu-am du. ¹³Tsî du ge tita ôa tsî nî hō, sadu ǂgaob hoab ǀkha du ga ôa teo. ¹⁴O ta ge tita sadu xa nîra hōkaisen, o ta ge tita sadu ǃkhōsisa dī-unu tsî nîra ǀhaoǀhao du ǁaedi hoade xu tsî ǁnā ǃādi, ǁîdi ǃoa ta ge doeǁgabē du di hoade xu. ǁKhāti ta ge tita ǁnā ǃās ǁîsa xu ta ge sado ǃkhōsabese ǂgaeǂguibē kais ǃoa ǁkhawa nîra ūhā du”tib ge ǃKhūba ra mî. (Jeremia 29:11-14 KKG20).

 

¹⁷Ob ge Jesuba ǁîba ge ǃeream: “ǀKhaehets ge hâ satsa Simon, Johaneb ôatse,b nēsats ge soro tsîts a ǀao xui-ao satsa xu aitsama ǂhaiǂhai tama hâ, xaweb ge ti Îb ǀhommi ǃnâ hâba nēsa satsa go ǂhaiǂhaiba. ¹⁸ǁNā-amaga ta ge ra Petrub ti ǀonǂgai tsi, ǃgareǀuib ti ra ǂâibasensa. Nē ǃgareǀuib ai ta ge ti kerkheba nî ǂnubi, ǁŌhân Hâǃkhaib ǀgaigu tsîn xa xū-e dīhe tideba. ¹⁹Tita ge Gaosib ǀHommi dib di ǁkhowa-amma nî mā tsi. ǃHūbaib aits ga ǂganamǂui-i hoa-i ge ǀhommi tsîn ǃnâ nî ǂganamǂuihe tsî ǃhūbaib aits ga ǁkhowa-amba-i hoa-i ge ǀhommi tsîn ǃnâ nî ǁkhowa-ambahe.” (Mateub 16:17-19 KKG20). Khākhoeb di mâǃoas, ǁîb di mâǃhūsa ūhâǀgaras dis ge sada ǃoagu aiǃgû tide.Nē xūna da khoen ǀkha ra ǀgoragu khamib ge khākhoeba ǁîb di dītsâdi, ǁîna ǀūǂamse ǁîn di amabe khoesis hîa Jesub Xristub ǃnâ ǂhaiǂhaihe hâs ǃnâ gāxaǃnâ das ǃnâ aiǃgû tide.

 

Elob ge ǀapes tsî ǂâibasensa Namibiaba ge ūba hâ i, ǃhūbaib di ǃgaoǃgaohes aiǃâ.⁴ǃHūbaib nî ǂnubihes aiǃâs tsînab ge Eloba ǀnai ǁîb dida ase sada Xristub ǃnâ-u ge ǁhûiǂui, ǃanu tsî ūose da ǁîb aiǃâ nî hâse. Tsî ǁîb ǀnammi ǃaromab ge Eloba ǀnai Jesub Xristub ǃnâ-u ǁîb ôada ase ge ǁhûiǂui da. (Efeseǁîn 1:4 KKG20).

 

ǁÎb ǀapes; ǁÎb ǂâibasens; mâ mîs tsî kebosis Namibiab ǂama ge gowaǂuihes hoas ge “Ā” tsî “Amen” - ī nîse ī!  ²⁰Xristub ǃnâ di ge hoa mîmâide dīǀoaǀoasa tsî di ǁîb ǃnâ a “ā.” ǁNā-amaga da ge “Amen” ti Elob ǂkhaisiba ǃoa Xristub ǃnâ-u ra mî. ²¹Tsî Elob ge ǁnāb sige sadu ǀkha Xristub ǃnâ mâǁapo kai, sige ǀnau, ²²ǀhonkhoesis di saosa sige ai ǂnûi tsî ge ǁîb di Gagaba ǁapoǁapos ase sige ǂgaogu ǃnâ māba. (2 Korinteǁîn 1:20-22 KKG20).

 

The Republic of Namibia is ONE nation under God, as amended on 21 March 2020. Petitioning the Namibian Constitution in the Courts of Heaven –

https://gatewaynews.co.za/petitioning-the-namibian-constitution-in-the-courts-of-heaven-melani-bamberger/

 

Namibiab ge a Elob di ǂaiǁgâiǁnâ. ǂAiǁgâiǁnâb hîa ǃamǁareb tsî ǃhūǀgoradi tsî ǃhūǂhaweb Namibiab dib tsîn ai a mûsaba.   ³Moseba ta ge mîba khami ta ge sado dā-ai du ka ǃhūb hoaragaba nî mā. (Josua 1:3 KKG20). ²¹ǁNās ǃoa du ǂgaihe hâ xui-ao, Xristub tsîn ge sado tsâba tsîb ge aiǁgau-e ǃgoroba du amaga, Elob di daoga du nî saose. (1 Petrub 2:21 KKG20). ⁷Tarekōse i a îsa ǃhommi ai, ǂkhîba ra ǂhôa sîsabeb, ǃgâiǂhôasa ra ǀkhī-ūb, ǃgâiǃōsiba ra ǂhôab, Sions ǃoa “Sadu Elob ge ra ǂgaeǂgui!” ti ra mîb ǂaira mûsa. (Jesajab 52:7 KKG20).

 

Namibiab ge nî ǀgoreǃnâǃkhai tsî ǁhaiǁhâǃkhai Soars khami.  ⁸An khoena ǃanu Tentomma ǂnubiba te ǁîn ǁaegu ta nî ǁanse. ⁹Nē Tentommi tsî ǁîb ǃnâ nî hâ xūn hoana tita nî ǁgau du ǀapes ǃoa kuru. (Exodus 25:8-9 KKG20).  ²⁰ǁNās ge ǁîs ǁga ta a ǃkhoeni ǁkhā ǃārosa ǀgūse hâ. Kaise ǂkhari ǃāros ge tsî ta ge ǁnāpa nî ǃnorasa.”²¹Ob ge ge ǃeream: “Ā, ǂhanu a. O ta ge ǁnā ǃārosa hîkākā tide. ²²O ǁnāǀî ǃkhoe re! Tita ge sats ǁnāpa sī tamas kōse xū-e a dī ǁoa.” Loti ge ǂkhari a ti mî xui-aos ge nē ǃārosa Soar ti ge ǀonǂgaihe.(Genesis 19:20-22 KKG20).

 

Namibiab ge pereǃoreb ase tsî ǃgâunas ase ǁaede nî ība. ²Sa tentomsa harahara, î sa hâǃkhais ǂgāmâisaga kaikai. Tā ǃkhō-oa, sa tsuriga gaxugaxu, î ǂnauǂgāǀuriga ǀgaiǀgai. ³Amǀkhāb tsî ǁareǀkhāb tsîkhaǀî khoraǂuisen tsîb ge sadu suriba ǁaede gaoǂam tsî ǃū-aisa ǃāde nî ǁanǃnâ. ⁶Taras hîa ǀuruhe tsî gagas âs ǃnâ ǃoa hâs, khamib ge ǃKhūba ge ǂgai si. ǂKham taras hîa ǂharahe hâs khami, tib ra sa Eloba mî: ¹³“Sa ôagu hoagu ge ǃKhūb xa nî ǁgauǃnâhe tsî sa ôan di ǂûtanib ge nî kai. ¹⁴ǂHanu-aisib ǃnâs ge nî ǃgaoǃgaohe, ǁgâiǀāb ge sasa xu ǃnūse nî hâ, ǃaos tide xui-ao, tsî ǃaorosasib ge sas tawa ǀgūse hā tide. (Jesajab 54:2-3; 6; 13-14 KKG20)

 

Elob di ǂkhaisib ge Namibiab ai hâ. Nē mîmâide da ra khomai khami da ge dīǀoaǀoasasiba ra ǁkhore. Xawe ta ge taniǀnamxasib ǀkha Elob ǁaeba nî ǃâu — ǁÎb ǁaeb ge ǁÎb ǀnausǀkha ǀguitikōse a ǂhâǂhâsa. Elob ge ǃnaeǃkhaide ǁÎb ǃomǁae ūhâ, tsîb ge sada di hoaraga ûiba ǁîb ǀapes ǃnâ ra tsôanaǂgā.

 

¹Khâimâ îs ǃnâ! Sa ǃnâb go hā xuige tsî ǃKhūb ǂkhaisib go ǁhaiǂam si xuige! ²ǃKhaenab ge ǃhūbaiba nî ǃgū-ai tsî ǁau ǃkhaenaba khoen ai. Xawe ǃKhūb ge nî ǁhaiǂam si tsî ǁîb ǂkhaisib ge nî hāǂam si. ³ǁAedi ge sa ǃnâb ǃoa nî hā tsî gao-aoga sa ǁgoasores ǂkhai ra ǃnâb ǁga.  ⁴Kōkhâi, î kōma; ǁîn hoan ge ra ǀhûǀhao, ǁîn ge sas ǃoa ra hā. Sa ôagu ge ǃnūseba xu nî hā tsî sa ôadi ge ǁîdi ǃûi-aodi xa nî tanihāhe. ⁵Os ge nēsa mû tsî nî dâ; sa ǂgaob ge burugâ tsî nî ǃgâiaǂgao. Hurib di ǃkhūsib ge sa ǃoa nî hā-ūhe, ǁaedi ǃkhūsib ge sa ǃoa nî hā xui-ao.  ⁶ǂGuisib ǃnain dib ge sasa nî ǃgū-ai, Midianni tsî Efab di ǂkham ǃnain tsîna. Hoaragan Skebas din tsîn ge nî ǀkhī. ǁÎn ge ǃhuniǀurib tsî ǃgâihamxūn tsîna nî ǀkhī-ū tsî ǃKhūba koatsanade nî ǁnaeba. ⁷Hoaraga gūn Kedars din sas tawa nî ǀhaoǀhaohe, Nebajoti baigu ge sasa hā nî ǁguibahe. ǁÎgu ge ti altars ai nî ūǃoahe tsî tita ge ǂkhaisib omma nî ǂkhaiǂkhai.  ⁸Tarina ǁnān ǃâudi khami ra ǃgû tsî ǂnabudi khami ǁîdi mûǂuidaos ǃoa ra ǁkhanana? ⁹ǃNāǃnuidi ge tita nî ǃâu, ǂguro, Tarsis doe-omde; ǃnūseba xu di sadu ôana nî ǀkhī-ūse, ǁîn ǀhaiǀurib tsî ǃhuniǀurib tsîkha ūhâse, ǃKhūb di ǀons ǃaroma tsî Israels di ǃAnub ǃaroma; ǁîb ge ǂkhaiǂkhai si xui-ao.  ¹⁰ǃHaokhoen ge sa ǂnubiǂgoaga nî omkhâi tsî ǁîn gao-aogu ge nî ǃoaba du. Ti ǁaib ǃnâ ta ge ǂnau du xui-ao, xawe ti ǀkhomxaǂgaosiba xu ta ge ge ǀkhom si. ¹¹Sa dao-amdi ge hoaǁae ǁkhowa-amsase nî mâ, tsî tsēas kas, tsuxubas kas hoasa ǂganamhe tide; ǁaedi nî ǁîdi ǃkhūsiba ǀkhī-ūba sise, ǁîdi gao-aogu xa aiǃgûbahe hâse.  ¹²ǁAes tsî gaosib sasa ǃoaba taman nî ǁō xui-ao; ǁnāti ī ǁaedi ge hoaragase nî hîkākāhe. ¹³Libanonni ǂkhaisib ge sas tawa nî hā, denehais, siprehais tsî bushais tsîdi hoade. Ti ǃanusib ǃkhaiba di nî anise tsî tita ge ti ǂaira di ǃkhaisa nî ǂkhaiǂkhai.  ¹⁴Sasa gere ǁgâiǀān di ôananôagub ge sasa hā nî ǃhonba, tsî sasa gere ǃharaxūn hoan ge sa ǂaira tawa hā nî ǃgamǃgâ. ǁÎn ge sasa ǃKhūb ǃās, Sions Israels di ǃAnub dise nî ǂgai. ¹⁵Sas ǃū-aisase ǁnāxūhe tsî ge ǁkhanhes, khoe-i xare-i xa ge ǃkharuǃnâhe tama hâ is; ǀamosib kōse ta ge nî ǁkhā kai si, ǃgoaxa surib di ǃgâiaǂgaose. ¹⁶ǁAedi dai-es ge nî dai, gao-aogu samdes ge nî dai. Sas ge nî ǂan, Tita, ǃKhūta, ge sa Ore-ao tsî ǃNoraǃnora-ao, Jakob di Hoaǀgaixata. ¹⁷Brons-i amǃnâ ta ge ǃhuniǀuriba nî ǀkhī-ū, tsî ǀuri-i amǃnâ ǀhaiǀuriba. Hai-i amǃnâ ta ge brons-e, ǀui-i amǃnâs ai ǀuri-e. ǂKhîba ta ge sa mûǂamaose nî dī tsî ǂhanu-aisiba sa mûǃgâ-aose. ¹⁸ǂKhabadīb ge ǁkhawa sa ǃhūb ǃnâ ǁnâuhe tide, hîkākās ge sa ǃhūǀgoradi ǃnâ ǁkhawa ǁnâuhe tide. Sa ǂnubiǂgoagas ge ǃGâidī-aose nî ǂgai tsî sa dao-amde Koas ase. ¹⁹Sores ge ǁkhawa tsēa sa ǃnâ kai tide tamas ka iob ge ǁkhâb ǃnâba tsuxuba ǃnâ kai tide. Xawe ǃKhūb ge sa ǀamo ǃnâse nî hâ tsîb ge sa Eloba sa ǂkhaisib ase nî ī. ²⁰Sa sores ge ǁkhawa ǂgâ tide, tamas ka iob ge sa ǁkhâba ǂgae-oasen tide. ǃKhūb sa ǀamo ǃnâse nî hâ, tsî sa tsēdi ǃoab didi nî ǀam xui-ao. ²¹Sa sores ge ǁkhawa ǂgâ tide, tamas ka iob ge sa ǁkhâba ǂgae-oasen tide. ǃKhūb sa ǀamo ǃnâse nî hâ, tsî sa tsēdi ǃoab didi nî ǀam xui-ao. ²²ǁNān hîa a ǀoron ge nî ǀoadisi kai tsî ǁnān hîa a ǂkhariron ge nî ǀgaisa ǁae kai. Tita ge ǃKhūta, ǁîn ǁaeb ai ta ge ǁîsa ǃhaese nî dītoa.  (Jesajab 60:1-22 KKG20).

 

Nē ǃhūb, Namibiab ge a ǀoro tsau, khaoǁkhowa-amhe nîse ība. ǃGâiǂgaob tsî ores di ǂûb ge a sa amǃnâ, Namibia - îsasib tsî ǂgaoǂgaoǃnâs ge a sa mûnanai, nē ǁaes ǃaroma. Elob ge ǁÎb ǀkhommi ǃnâ a dīǀoaǀoasa, ǁÎb ǀgoradi ǃnâb a ǁkhōs ǁkhās khami. Elob di elosi dīǀoaǀoasasib ge ǁÎb ǁoreb ǃoagu ūhâ ǁkhanni xa ra ǂhaiǂhaihe, tsîs ge nēsa ǀgoraǃgâs kōse ra sī. ǁKhā elosi dīǀoaǀoasasib ge ǁÎb di ǀnammi, ǁÎb kurusabenab ūba hâb ǃnâ ra ǂhaiǂhaihe. Nēs ge ǀkhommi as ǁnān ǀoasase dīǀoaǀoasa tama xawe ǂhauǃnâse ǁÎba ǀnam tsî ra ǁnâuǀnamna ība.

 

¹ǃGaroǃhūb tsî ǂnâsa ǃhūb ge nî dâ, ǀgopaǃhūb ge ǃgâiaǂgao tsî nî ǁhare, lelib khami. ²ǁÎb ge ǃnāǂamsase nî ǁhare tsî ǃgâiaǂgaob tsî ǁnaeb ǀkha nî dâ. Libanonni ǂkhaisibab ge nî māhe, Karmeli tsî Saronni tsîkha ǁkhāsib ǀkha. ǁÎn ge ǃKhūb ǂkhaisiba nî mû, sada Elob di ǁkhāsiba. ³ǂKhabusa ǃomga ǀgaiǀgai, î ǀkhū ra ǁgoade ǁapoǁapo!  ⁴ǃAnaǂgao hâna mîba:  “ǀGai, î tā ǃao! Nēb ge sadu Eloba. ǁÎb ge ǀkhaob nîse ra hā, ǁkhō mādawa-ams ǀkha. ǁÎb ge hā tsî nî ore du.” ⁵O di ge ǂgīn di mûde nî mû tsî ǂganaǂgae hân ge nî ǁnâu.  ⁶ǃHoran ge ǁkhama-i khami nî uri tsî ǃgomen namgu ge dâxase nî ǁnae. ǁGamgu ge ǃgaroǃhūb ǃnâ nî dâu tsî ǁgamǃāga ǀgopaǃhūb ǃnâ. ⁷ǀGamsa ǀgopaǃhūb ge nî ǃkhubi kai tsî ǂnâsa ǃhūb ge ǁgamǀaudi xa nî ǀoa. ǀGirin gere hâ ǃkhaidi, ain ge ǀgân tsî ǂāgu tsîna nî ǁhai. ⁸Kai daob ge ǁnāpa nî ǁgoe, tsî “ǃAnu Daob” ti nî ǂansa.  ǃAnuoǃnân ge ǁîb ai ǃgû tide, xaweb ge Elob khoen dise nî hâ; ǃgû-aon tamas ka io gâren ge ǁîb ai kāma tide.  ⁹Xam-i tamas ka io ǁaixa ǀguru-i xare-i ge ǁîb ai hōhe tide; ǁîn ge ǁnāpa hōhe tide,xawe orehe hân ge ǁîb ai nî ǃgû.  ¹⁰ǃKhūb di orehe hân ge oahā tsî ǁnae rase Sions ǃnâ nî ǂgâ. ǀAmo ǃgâiaǂgaob ge ǁîn danadi ai nî hâ; ǁîn ge ǃgâiaǂgaob tsî dâba nî hō,tsî ǃoab tsî ǃgaeb ge nî kābē. (Jesajab 35:1-10 KKG20).​​​