⁶ǀKhaehen ge hâ ǁnān ǂhanu-aisiba ǃâ tsî ra ǁgâna, ǁîn nî ǁâ amaga! (Mateub 5:6 KKG20).

 

¹⁷“Tā ǂâi re Moseb ǂhanub tsî kēbo-aogu di ǁkhāǁkhāde ta nî hîkākāse ta ge hā ti. Tita ge hîkākā nîse hā tama hâ, xawe dīǀoaǀoa ta nîse.  ¹⁸Amase ta ra mîba du, ǀhommi tsî ǃhūbaib tsîkha ge nî ǃgû-ī, xawe mâ mîs ǂhanub dis hoas ge hoaraga xūn nî dīǀoaǀoahes kōse nî hâhâ.  ¹⁹“Khoe-i nē mîmādi hoadi xa ǀuni ǂkhari mîmāsa ǁauǁau tsî ga khoena ǁnāti ǁkhāǁkhā-i ge Gaosib ǀHommi dib ǃnâ hân hoan xa ǂkharise nî ǃgapaǀîhe, xawe ǁnāsa dī tsî ga ǁîna ǁkhāǁkhā-i ge Gaosib ǀHommi dib ǃnâ kaise nî ǃgapaǀîhe. ²⁰“Mîba du ta ra sadu ǁnâuǀnamxasib ǃKhūb mîmādi dib ga Moseb ǂhanub di ǁkhāǁkhā-aogu* tsî Farisegu* di ǂhanu-aisiba ǃnāǂam tama io, o du tātsē Gaosib ǀHommi dib ǃnâ ǂgâ tidesa. (Mateub 5:17-20 KKG20)

 

Elobmîs di ǃgaoǃgaob khoesi ǂhanu-aisib dib ge a Elob di dīǀoaǀoasi mâ ǂūsi-i, tanisen-i, tsî mî-i hoa-i ǃnâ. ǁNā-amaga gu ge Elob ǂhanuga, Elobmîs ǃnâ māhe hâ khami, ǁÎb ǀgauba mîǃā tsî ǁkhāti khoesi ǂhanu-aisibab ra ǀnō-ai ǁgaraga ǃkhōǂgā hâ. ¹⁸Mû, ǃKhūb di mûs ge ǁnān ǁîba ra ǃaoǃgân ai hâ ǁnān ǁîb di hâhâ ra ǀnammi ai ra ǂgomaiǂnûin ai; ¹⁹ǁîn ûiga ǁōba xu sâu; tsî ǁîna ǃâtsūǀkhāb ǃnâ ûitsamase nî ūhâse.  ²⁰ǃKhūb ai da ge ra ǂgomaiǂnûi ǁîb a sida hui tsî ǁkhaukhō xui-ao (Psalmdi 33:18–20 KKG20).

 

¹⁹ǂHanu-ai khoen di tsûgu ge a ǂgui, xaweb ge ǃKhūba ǁîna hoana xu ra ǃnoraǃnora; (Psalmdi 34:19 KKG20). ǂHanu-aisib ge khoesiba a īǁkhāsaba, xawes ge ǁnāsa ǁorena xu Jesub Xristub ǃnâ-u ǃanuǃanusens tsî ǃAnu Gagab di ǁanǂgās tsîna. Sada ge ǂhanu-aisiba sada xu tamas ka sada ǃnâ-u a sīǃnâ ǁoa.. ⁶‘ǀGaiba xu tama i, ǀgaidība xu tama i, xawe Gagaba xus ge,’ tib ra ǃKhūb Hoaǀgaixaba mî (Saxariab 4:6 KKG20). Xawen ge Xristeǁîna Xristub ǃaroma ǂhanu-aisiba ūhâ, ²¹Xristub ge ǁore-i xare-e ge ūhâ tama hâ i, xaweb ge Eloba sada ǁoren ǃaroma ǁîba ǁoreǁguibas ase ge dī, î da ǁîb ǃnâ Elob di ǂhanu-aisi kai (2 Korinteǁîn 5:21 KKG20). ǃGâuhaib aib ge Jesuba sada ǁorena ǁîb dīǀoaǀoasa ǂhanu-aisib ǀkha ge ǃkhōǃkhuni, ǀguitsē da Elob aiǃâ nî mâ tsîb ǁÎba sada ǁoren ose xawe ǃanu ǂhanu-aisib ǃKhūb Elob diba nî mû ǁkhāse. Sada ge Elob aiǃâ ǂhanu-ai kaihe hâ; ǁnās ge sada ǂhanu-aida ase ūǃoahe tsî Elob xa ǃKhūb Jesub ge dīn ǃaroma ǂhanu-aise ra ǃgapaǀîhe. ǁÎb ge ǁoreb ase ge dīhe; sada ge ǂhanu-aida ase ra dīhe. ǃGâuhaib aib ge Jesuba ǁore-ao-i xase ge ûi-ūhe, xaweb ge ǁîba ǀoasase ge ǃanu i; sada ge sada ǂhanu-ain xase ge ûi-ūhe, ǁoreǁgao da hâ hîa.  ǃKhūb Jesub ge sada ǃaroma tsân ǃaroma da ge hoaragase ge Elob ǂHanuba dīǀoaǀoa tsî tātsēs tsîna ge ǁîb ǁkharaba hōǃâ tama hâ in xase ra ûi-ūhe. Sada ge nē ǀō-aisa ǀkhaeb ǂhanu-aisib diba Elob hoa ǀkhommi diba xu ge ǃkhōǃo. ǂKhaib ge a ǁÎb di.

 

ǁKhāti da ge ǃâitsâga a ǃâubasen ǁkhā.ǁAposase da ge sada ǂgom ǃnâ ǃâitsâgu ǁaeb ǃnâ nî mâ, ǃAnu Gagab xa ǀgaiǀgaihe hâse. ǃAnu Gagab ge ǂgoms ǃnâ da nî mâǀgais ǃoa ra hui da; ǁÎb ge ǂhauǃnâ ǀnamma da nauna nî ǁgau tsî sada ǂūsiga nî ǃkhōǀgara, ǃgôaǃgonhe, mîǁgaiǁgaihe tsî da ra ǁgâiǀāhe ǁaeb tsîn ǃnâs ǃoa ra ǁkhā kai da.  ⁸Hoaǁae ge ge ǂōǂōsib ǃnâ hâ, xawe ge ge ǂkhūǂkhūhe tama hâ, ǀnî ǃnāde ge ge ra ǀgomaǂâi, xawe ge ge ǂkhabuǂâi tama hâ, ⁹ǃgôaǃgonhe ge ra, xawe ge ge Elob xa ǁnāxūhe tama hâ, ǂnauǁguihe ge ra, xawe ge ge hîkākāhe tama hâ. ¹⁶ǁNā-amaga ge ge ǂkhabuǂâi tama hâ. Soros ra kaira tsî ǂkhabu, xawes ge gagasa tsēkorobe ra ǀasa kaihe. ¹⁷Nē ǂkhari tsî ǁaerob ǀguib di ǃgomsigu hîa ge ra tsâgu ge ra hui ge, ǀamo ǂkhaisib hîa nē ǃgomgu xa a kaiba ge nî hōse (2 Korinteǁîn 4:8-9; 16-17 KKG20)

 

ǂHanub ge a ore da ǁoa. ǁÎb ge tātsēs tsîna sada ores ǃoa ge ǂâibasenhe tama hâ i. Sada di ǂhâsib ǀûbahes dib di daoǁgaus ase nî īse ge ǂâibasenhe hâ.Xristub ge ǂhanub ǁguiǂamde sada ǃaroma ge dīǀoaǀoa. ǁÎbǀî da ge nî dabasen î da orehe. Xristub ǀguib ge sada Elob ǀkha ǂhanu-ai kai ǁkhā. O da ge Eloba nî ǁnâuǀnam, ǁÎb ge sada dīban ǃaroma.

 

²⁵“ǃHaese sa mâǃoa-aob ǀkha ǂkhîba dī, ǁîb ǀkhats ǁnâuǃgâǃkhaib ǃoa garu hîa, îb tā mâǃoa-aoba ǀgoraǃgâ-aoba māǁnâ tsi, îb tā ǀgoraǃgâ-aoba ǃûi-aoba māǁnâ tsi, îts tā ǃkhō-oms ǃnâ aoǂgāhe. ²⁶Amase ta ra mîba tsi ǁnāpa xuts tātsē ǂoa tidesa, sa ǀuni marisats mataretoa tamas kōse.  (Mateub 5:25-26 KKG20).

 

¹Ti ǂkhari ǀgôarodo, nēna ta ge sado ra xoaba, ǁore du tidese; tsî i ga khoe-e ǁore, o da ge khoeb hîa ǁGûb tawa ra ǂnoaba daba ūhâ; ǁîb ge Jesub Xristub, ǂhanu-aiba. ²ǁÎb ge a ǂkhîbagu, sada ǁoren ǃaroma tsî sada ǁoren ǀguina tama i tsî ǁkhāti hoaraga ǃhūbaib dina (1 Johaneb 2:1-2 KKG20).

 

Elob ge mâ-i hoa-e ǂhanu-aisib ǀkha nî ǀgoraǃgâ. ǂKhabadī-aon, ǁÎb khoena ra ǃgôaǃgonab ge nî ǁkhara; ǁnān Eloba ǀnamn ge ǁÎb ǀgūhâsib ǃnâ, ǀamo ûib ǀkha nî ǀkhaehe. Hoan Elob ǃoagu ǃereamxasiba ūhâ tsî da ge nauna ǀgoraǃgâsa ǁÎba nî xūba. ǁNān hîa ra ǃgôaǃgon dana da ge ǁkhan tamas ka io ǁaixaǂam tide. ǂAn da ge nî mâti da mâ tsēs hoasa ra ûi ǃkhais di ǃereamsa da nî ǂgaoǀkhāhe ǃkhaisa. ǁÎb ge ǂhanu-aina ǂhanuoǃnâna xu nî ǀgora tsî ǂhanu-aisib ǃnâ ǃhūbaiba nî ǀgoraǃgâ. Nēsi ga ǀgoraǃgâsa xu ǃnoran ge ǁnā kai tsēs ai nî ǁkharahe. Elob ge ǁÎb di ǁaiba hoa ǂhanuoǃnân ǂama nî ǁhōǂui, ǁÎb a Elo amaga, Ti ǂHanu-ai ǀgoraǃgâ-aoba.  (Psalmdi 18:20-27).

 

⁸“ǃGomǃgâxa ǁhōgu tsîn ge ǀgoraǃgâ-aogu tawa a hā-ūhe ǁkhā; ǀaoǂnâxūs ǁhōb tamas ka io ǃkhams di ǁhōb tamas ka io ūhâxūna ǂkhôa-aihes di ǁhōb tsîga. ǁNāti ga ī, o ǃKhūb sadu Elob ge ǀgoreǀî-aiheb nîse ǁhûiǂui ǀō-aisa ǃkhais ǁga ǃgû (Deuteronomium 17:8 KKG20). ⁸“Xawe tita ga hâ, o ta ge Eloba ôa tsî ǁîba ti ǁhōba ga ǁgui-aiǃâ hâ. (Job 5:8 KKG20).

 

ǁÎb ge a sada di ǂhanu-ai ǀgoraǃgâ-ao. ǁÎb ge sada a ǀnam xawe da ge oa tsî ǂhanub tsî ǂhanu-aisib di ǂnûiǂgāde xu nî ūbasen — ǁîn ge a ǃnâu ǂūsi tsî ǀkhommi tsî ǀgoraǃgâs tsîna xu a ǀgorahe ǁoa. ǁÎb ǃanusib ge ǂhanub ǃnâ ǃamǂgāsa tsîb ge ǂhanuba ǁÎb ǃhōra ai hâ (Jesajab 9 tsî Mateub 4 tsîna sī kō re). Elob ge buruxa ǀapede sada ǁaes ǃaroma ūhâ xawe da ge nē ǂnûiǂgādi Gaosib didi ǃoa nî ûi. Elob ge ra ǀkhae da ǂgao, xaweb ge ǁgôa-elon sada ǃhūb ǃnâ hâna ǀkhae tide.​​​