¹Mâ khoe-i hoa-i ge ǂhanuba nî ǁnâuǀnam. Eloba xu hâ tama ǂhanu-i hâ tama tsî hâ an Elob xa ǁgaumâihe hâ xui-ao. ²ǂHanuba ra mâǃoa-i hoa-i ge Elob di ǂnûiǂgāsa ra mâǃoa tsî mâǃoa ra-i ge ǀgoraǃgâsa nî ǃkhōǃoa.  ³Danaǂgaeǂgui-ao-i ge ǃgâina ra dīn ǃaroma ǃaoǃaosa tama hâ, xawe ǁnān ǂkhababa ra dīn ǃaroma. ǂHanub di ǂgaeǂguis ǃnâ hâna du ǃao ǂgao tama? O ǃgâiba dī, îts ǁîga xu koasa ǃkhōǃoa.  ⁴ǁÎ-i sa ǃgâiba ǃoa Elob di ǃoaba-ao amaga. Xawe ǂkhababats ga dī, ots ge nî ǃao, ǁî-i ǁause gôaba tani tama amaga. ǁÎ-i ge Elob di ǃoaba-ao tsî a ǁaib di ǀkhao-ao, ǁnā-i ǂkhababa ra dī-i ǃoagu.  ⁵ǁNā-amagats ge ǂgaeǂgui-aona nî ǁnâuǀnam, Elob di ǁkharab ǃaroma ǀguis ose, xawe sa ǂgaoǂans tsîn ǃaroma. ⁶Nēs ǃaroma du ge ǁkhāti ǁgui-aimarisa* ra matare. ǂHanub di sîsenaon a Elob di ǃoaba-ao tsî ǁîn di ǁguiǂamsa nî dīǀoaǀoa amaga.  ⁷Mâ-i hoa-e ǁî-e du surude hâ-e mā, ǁgui-aimaris kao ǁgui-aimarisa, hōǂgās kao hōǂgāsa, ǃaob kao ǃaoba tsî ǃgôasib kao ǃgôasiba.   ⁸Tā khoe-e xū-e surude, ǀnamgu du nîs ǀguis ose. ǁÎ-i ǀgūkhoe-e a ǀnam-i ge ǂHanuba ra dīǀoaǀoa. (Romeǁîn 13:1-8 KKG20).

 

Romeǁîn 13: 1-8 ge kaise îsase ǂhanub di ǂâibasensa ra mîǃā. Khoesi ǂhanub ga hâ tama hâo, o da ge ǁgauoǃnâsib ǃnâ ga hâ hâ, ǃâubasen ǃaoba khoena ūba hâba. ǁNā amaga da ge nî ǀhûǀgui, ǁgai ǂhanub ǂhanu-e ūhâ tama is ǃgâ-ai a ǃgâi ǃkhaisa. Elob ge khoesi ǂhanuba ǃkhōǃgâ tama hâ; xaweb ge khoesi ǂhanuba hoara ǂkhabab tsî ǁgauoǃnâsiba ǁkhaes ǃaroma ra mâi.

 

ǁÎs ra ǃnāsase dîhe dîs ge mâti da sada Xristeǁîda ase ǂhanub di ǂgaeǂguidi ǃnaka māsen ǁkhā, ǂan da a mâtikōse ǂgui ǂhanub ǂgaeǂguidi ǀhôagaoǁāxasiga dī tsî a ǂhanuoǃnâ ǃkhaisa da ǂan hîa? Tamas ka io tare-e da a dī ǁkhā sada di ǂhanub eloxoresa khami da ga tsâo? Elobmîs ge sada Xristeǁîda ra mîmā, “... ǂgaeǂgui ra ǂhanub ǃnaka māsensa.” ²Hoa gao-aon tsî ǂgaeǂgui-aon ǃhūbaib dina ǀgoreba re, ǂkhîb tsî ǃnōsasib tsî eloǃaoǃgâxasib tsî ǃgôasib ǃnâ da nî ûise. (1 Timoteub 2:2 KKG20).  ǃGaoǃgâ re “ǁnâuǀnam” ti hâ mîs sîsenūhe TAMA ǃkhaisa, ǂgomsabe-i īǁoasabahe ǁkhā mā mîmās ǂhanub dis hoas ǃnaka mâisensa xui-ao. “ǃNaka mâisens” ge ǂkharitsâsens ti ǂâibasen tama hâ, ǂgomsaben nē-e nau-i ǃnaka hâ, Xristub ǃaoǃgâb ǃnâ (Efe. 5:21) ti ra mî xui-ao. ǁNā-amagas ge nē ǃâsa hoaragase ǁnâuǀnams ti ǂâibasen tama hâ, tamas ka io Xristeǁîn hîa māsenxase ra dīǀoaǀoasa tama ǂhanugu ǃnaka māsenn di khoesiba tamas ka io ǁkhāsiba ūbē tama hâ.

 

ǃGāsa a ǃkhais ge ǂhanugu ǀoasase ǂhanu-aisiba sîsenǂui tama hâsa, xawe ¹³Tsî tari-e sadu ǂkhôa-e a dī ǁkhā, ǃgâise dīsa du ga ǀaexabao? (1 Petrub 3:13 KKG20) because ¹⁴Tsî ǂhanuse du ra dīn ǃaroma du ga tsâ, xawe du ge ǀkhaehe hâ. ǁÎn di ǃaoǃaosa tā ǃao, î ǁkhāti tā ǂâiǂhansen. (1 Petrub 3:14 KKG20).  ǂGomsaben ga Xristub ǃaroma tsâ os ge ǁîn ǂgaoǂansa a ǃgāsa. ¹⁹Elob nî nēs ǂama ǀkhae tsi xui-ao, sats ǃoagu ga ǂhanuoǃnâ-i di tsûbats ga tsâo, Elob ǃoaguts ga ǂgomǂgomsa ǂgao ǃkhais ǃaroma.  ²⁰Tare xū-e i nî harebeba tsi, tsūdī tsîts ga ǁnās ǃaroma ǂnauheo? Xawe ǃgâidī tsîts ga ǁnās ǃaroma tsâ tsî ǁîsa tani, ob ge Eloba sats ǃnâ ǃgâiǃgâibasensa ūhâ. (1 Petrub 2:19-20 KKG20).

 

Xristuba ǀūxū tamase tamas ka io sada ǂgomsa îganǀgēb ǃnâ mâi tamase da ga ǁnāti dīs kōse da ge ǂhanub tsî tsî sada ǂgaeǂguisa ǀkhā sîsenǀhaose nî ôa-am.  ⁵²Ob ge Jesuba ǁîb ǃoa ge mî: “Sa gôaba ǃkhais âb ǃnâ ǂgā-oa. Gôab ǀkha ra ǃgam-i hoa-i ge gôab xa nî ǃgamhe. (Mateub 26:52 KKG20).  Nēs ge hoara ǂhanumāde da nî ūǃoa tamas ka io ǀō-aisa ǀgaugu ǁîdi nî sîsenxa kaihega ǃkhōǃgâ ti ǂâibasen tama hâ. Xristeǁîn ge ǃereamxasiba ūhâ elobmîs di ǂhanu-aisiba nē ǁgâiǀās ǁnaetib hîa hâb ǃnâ ǃkhōǀgarasa, nausa ǃgôasiba ǁîb ǂgaeǂguisa ūba hâse.

 

Elob ge a hoaǀgaixa hoa khoesi dīxūn ǂama, tsî hoaǁae ra ǃkhōdana. ǁKhā ǁaeb ai ǁkhāti khoena ǃnorasasiba ra mā, ǁhûi tsî ǁîn di daob ai ǃgûsa. Nēs ra ǂâibasens ge khoe-i xare-i gao, president tamas ka io minister kai ǁoa ǃkhaisa, Elob ǂâisa xu tamas ka io. Nēs ge ǂgīǂgōs ǀgaiba ūhâs ge Eloba xu hâ mā-ams ǀkha ǀgopeǀnōhe ǁoa ǃkhaisa. Elobmîs ge gao-aob Nebukadnesara Elob di ǃgāb ti ra ǂgai.  ⁹Xawe di ge koro ǁnâuǃāxade ‘Hî-î, hoase ǃaroma ǂâu tide. ǂHaruguǃkhai-i ǁga ǃgû, î sī ǁamabasen re’ ti ge ǃeream. (Jeremiab 25:9 KKG20). Nēs ge ǁîb ge elosi ao i ti mî tama hâ. ǂHanub ǂgaeǂguide da ga ǂgomǃgâ tama i, xawe da ge ǁÎba nî ǂgomǃgâ.  ⁵Sa ǂgaob hoab ǀkha ǃKhūba  ǂgomaiǂnûi, î tā sa ǁnâuǃāb ai ǂgomǃgâ. ⁶Sa daogu hoagu ǃnâ ǁîba ǂanǃgâ, ob ge sa daogu hoaga nî ǂhauǂhau. (ǂKhoamîdi 3:5-6 KKG20).  Nē ǂgomǃgâba da ge ǂhanub ǀkha sîsenǁare, ǁgui-aimarisa matare, hâ a ǀgaub ǃnâ ǁhao tsî ǂhanuba ǁnâuǀnams ǀkha a ǁgauǂui ǁkhā, xawes ge nēsa ǂgī da ge nî ti ǂâibasen. Tā ǀuru re khoen di ǀgaigu ǁîna īǂam hâ ǀgapi ǀgaipi ǂhanub ǃnaka tsî Elob di hoaǀgaixasib ǃnaka hâ ǃkhaisa. Nē ǂhanukha ga mâǃoagu, on ge Xristeǁîna khoeb ǃās ǃnâ Eloba nî ǁnâuǀnam. ²⁹O gu ge Petrub tsî nau apostelgu tsîna “Sige di ǂgaoǀkhās ge khoe-i ose, xawe Eloba ǁnâuǀnam tsî ǁîb di ǁguiǂamde dīǀoaǀoasa.  (ǃNaeǃkhaidi 5:29 KKG20). 

 

Jesub ge a ǂhanu ǂgaeǂgui-ao. ǁÎb nî amabes ǃnâ ǂgaeǂgui ǃkhaisa da ga ǂhâba os ge sada ǃoabasa ǃhoas ǃgâ-ai nî ī. Nauna da nî ǂgaeǂgui ǃereamasa da ga māhe, o da ge sada di ǂhunuma ǃgâiǃgâsens, ǃgâiaǂgaob, ǁaeb tsî marin tsîna i ga ǂgaoǀkhā xawe ǁîna nî kōǃgâ. Sada ge Elob ǃoagu ǃereamxasiba ūhâ, ǁnān ǁîna da ra ǂgaeǂguina ǃkhō-amba tsî ǁkhāǁkhāsa.

 

Josuab khami da ga ǀgaisa o da ge ǃgâ tsî ǃnoesase nî gon, Elob ga ǃhoao. ǁÎb ǁguiǂamde da ga ūhâ o da ge ǁîde sîsensa nî dītsâ. ǀGaisa ǂgaeǂgui-aon ge ǁîn di ǁgui-aisens Xristuba saos dis ai ra ǂanǂuihe. Elob ǂgaeǂgui-ao nîse īs ge ǂanǃgâsa hōs tamas ka io ǀhonkhoesis di ǃharos ǃnâ ǂnû tama hâ. ǀApeǁguib, ǃgari sîsenni, ǁkhoaǂgaosib tsî mâǃkharusa ǂgan hâ. ǃGom sîsenna dīsa ra ǃkhōǃkhuni xū-i ge a ǀkhai. Nauna ǂgaeǂguis ǃnâts nî ǂans ge Elob daob aits sa ûib ǃnâ nî ǃgûsa.

 

Namibiab di ǂhanub ge ǃnona ǁnâuga xu hâ, ǀonǂgais ai Sîsenǂui ra ǃnans, ǂHanumādi tsî ǂHanub tsîna. Mâ ǁnâub hoab ge ǁîb di ǀō-aisa ǃâsa ra ǀhuru, xawen ge hoana a ǀgui ǂhanub di ǃâ. Elob ge a Khoen di ǃNonaǀguirasi, Mâ-i hoa-i hoaǀgaixa, ǁkhā tsî a ǃanuse. ǃNona elogu ge hâ tama hâ, xawe ǀgui Eloba, ǃnona Khoen ǃnâ: ǁGûb, ǀGôab tsî ǃAnu Gagaba.  ⁷ǃNonan, Jesub xa ra ǃkhō-amn hâ xui-ao: ⁸Gagab, ǁgam-i tsî ǀaob tsîna, tsîs ge ǁîn di ǃkhō-amsa ra ǀhûǀgui. (1 Johaneb5:7-8 KKG20). ¹⁴ǀKhommi ǃKhūb Jesub Xristub dib tsî ǀnammi Elob dib tsî ǀhûhâsib ǃAnu Gagab diba ab sadu hoadu ǀkha hâ re!  (2 Korinteǁîn 13:14 KKG20).

 

¹¹ǁÎb ge ǀnî khoena māde ge mā: ǀNîna apostelse,* ǀnîna kēbo-aose, ǀnîna ǃgâiǂhôa-aose, ǀnîna ǁkhāǁkhā-aose tsî ǀnîna ǁgauǃnâ-aose. 12Xristub di sorosa ǂnubikhâis ǃaromab ge ǁîba hoaraga khoen Elob dina Xristesi ǃoabas ǃaroma ra ǁâtani. 13Hoada ge ǀunis ai ǂgoms tsî ǂans Elob Ôab* dis ǃnâ-u nî ǀguiǃnâxa. O da ge dīǀoaǀoasa kaikhoesis, Xristub disa sīǃnâ tsî ǁîb ǁkhāb khami nî ī. (Efeseǁîn 4:11-13 KKG20).

 

Elob ge ǁÎb khoena ǃkharagaǃnâgu ǀgaugu khoesi ǂgaeǂguis diga sîsenūs ǀkha ra ǂgaeǂgui. Mâ ǂgaeǂgui-ao-i hoa-i di ǃgâiǃgâb ge ǁîn di sîsenǀgaub, ǂgaeǂgui-aosis ǀgaub, gā-aisib, kurigu tamas ka io ǀgaib ǀkha — ǁnās ge ǁîn di ǁgui-aisens Elob ǃoa hâsa xu hâ. Ama ǂgaeǂgui-ao nîse is ge Eloba hoaraga dīxūn, ǁkhāsigu tsî sīǃnâdi âts ǃnâ ǂgaeǂgui kaisens ti ra ǂâibasen

 

Elob di sîǂuis sîsenni ǁÎb khoen ǃnâ-u. Koroǃnâgu sîǂuis sîsenni ge ǁnāb hîa Xristub sorosa ǂhanuse ra sîsen kaib ǃnâ kai ǃâsa ra ǀhuru. Mâ ǁani-i Jesub Xristub di-i hoa-i ge ǃâs ǁî-i nî ǀhurusa ūhâ. Koroǃnâgu sîsenni ge soros Xristub disa ǁāǁāsa, mādi ǀkhas nî sîsense. Hoa khoe taman ge Koroǃnâgu sîsenni ǃoa ǂgaihe hâna xawe mâ-i hoa-i ge ǃgâiǂhôas Jesub Xristub disa nî aoǁnâse ǂgaihe hâ.  ¹⁴ǁNā-amaga, ǂguin ge a ǂgaisa, xawe ǀoron ge a ǁhûiǂuisa’ ” (Mateub 22:14 KKG20).

 

 

Aposteln:

Kaitsiǁgūbes khoe-i di ǃoms ai hâs ge Apostela ra ǂnûǁkhaeba, ǁî-i ra hoa koro mādi ǃnâ ǃgâise sîsen xui-ao. Apostel ti hâ mîs ge ‘ǁnā-i hîa sîhe hâ-i,’ ǀguri hâ ǂâibasens ǃgâiǂhôasa aoǁnâs dis ǀkha-i ti ra ǂâibasen. ǁNās ge hoaragan Xristuba ra saon ge apostel ti ra ǂgaihe ti ra ǂâibasen.

 

¹⁸Jesub ge ǁkhāǁkhāsabegu ǃoa hā tsî ge mî: “Tita ge hoa ǁkhāsiba ǀhommi ǃnâ tsî ǃhūbaib ai māhe hâ. 19ǁNā-amaga ǃgûǂoa, î hoa ǁaede ǁkhāǁkhāsabedī, î go ǁîna ǁGûb, ǀGôab tsî ǃAnu Gagab ǀons ǃnâ ǁāǁnâ, 20 tsî ǁkhāǁkhā, în tita gere sago mîmān hoana ǃkhōǀgaipe. Tsî ta ge tita hoaǁae sago ǀkha nî hâ, ǃhūbaib di ǀunis kōse”  (Mateub 28:18-20 KKG20). ¹⁵Tsî sîhe tamats ka io, mâtits ǁîb xa nî aoǁnâ? Xoas ra mî khami: “Mâtikōse di a ǀnamǀnamsa ǃGâiǂhôasa ra aoǁnâgu di ǂaide!” (Romeǁîn 10:15 KKG20) 

 

 

Kēbo-aon:

ǁNaetab ǃommi ai hâb ge Kēbo-ao-e ra ǂnûǁkhaeba, ǁî-i ra daoba ǁgau xui-ao. Kēbo-ao-i ge ǁgui-aisen hâ Elob di amab tsî Mîsa gowasa. ǁÎ-i ge tātsēs tsîna Elob di ǂhaiǂhaisa mîs ǃoagu ǃhoa tide. Kebo-aon ge naun ǂama kēbo ǁkha, dī-unis tamas ka io ǂnubikhâis kerkheb di ǂgaeǂgui-aon dis ǃoa.

 

¹³Xaweb ge Mikajaba “ǃKhūb a ûitsama ǃkhais ao ta ge ti Elob ga mîba te khami nî mî” ti ge ǃeream (2 Kroniks 18:13 KKG20).

 

 

ǃGâiǂhôa-aon:

ǂGaomâb (ǁAegub ǀkhunub), khoe-i ǃommi ai hâb ge ǃGâiǂhôa-ao-e ra ǂnûǁkhaeba; ǁîb ge ǂgui xūna ra sīǃnâ. ǃGâiǂhôa-aon ge khoena ra ǀhaoǀhao. ǃGâiǂhôa-ao-i ge ǁnān hîa ganupe mîsa ǁnâu taman ǀkha ǃgâiǂhôasa ǀgoragus ǃereamsa ūhâ. ǁÎn ge nēsa aoǁnâs tsî ǁkhāǁkhās ǃnâ-u ra dī. ǁKhātin ge ǃGâiǂgôa-aona ǁkhāǁkhāsabesis ǂgaoba ūhâ, nēs ge ǁîn ra ǀasa ǂgomsabena ǂgoms ǃnâ ǀomkhâis ǃoa hui ti ra ǂâibasen.

 

¹¹Xoas ra mî xui-ao: “ǁÎb ǃnâ kara ǂgom-i hoa-i ge taotaohe tide.” 12 ǀGora-i ge Jodeǁîn tsî Grikeǁîn ǁaegu a ǀkhai. Elob ge a hoan di ǃKhū tsî ǁîba ra ǂgaiǀîna ǃkhū hâse ra ǀkhae. 13 Xoas ra mî khami: “ǃKhūb di ǀonsa ra ǂgaiǀî-i hoa-i ge nî ǃgâiǃō kaihe” (Romeǁîn 10:11-13 KKG20). 

 

 

ǁKhāǁkhā-aon:

ǁÎb ǃGâb (ǀKhunuǂnûidas ǀkhunub) khoe-i ǃommi ai hâb ge ǁKhāǁkhā-ao-e ra ǂnûǁkhaeba, ǁîb gūn ǀkha ǃgame hâ amaga. ǁKhāǁkhā-ao-i ge gūna (kerkheb) ra ǃû kai. Nēs ge ǁîn ge gagasi ǂhâgu ǁîn kerkheb ǃnâ hâ khoen diga ra kōǀî. ǁKhāǁkhā-aon ge ǁkhāti ǁkhāǁkhā tsî aoǁnâs ǃereamsa ūhâ. Nēsan ge aoǁnâdi tsî  Elobmîs ǁkhāǁkhādi tsîn ǃnâ-u ra dī. ǁKhāǁkhā-aon ge gūna ra ǃûi, ǃûi-ao-i nî gūn â-e ǃûis ǁkhās khami.

 

¹¹“Tita ge ǃgâi ǃûi-aota. ǃGâi ǃûi-aob ge ǁîb ûiba ǁîb gūn ǃaroma ra ǁguiba. ¹⁴Tita ge ǃgâi ǃûi-aota. Tita ge ti gūna a ǂan tsî ta ge ǁîn xa ǂanhe, (Johaneb 10:11 & 14 KKG20). ¹⁵ǁGoaǂûs khaoǃgâb ge Jesuba Petruba ge dî: “Simon, Johaneb ôatse, nēgu ǃgâ-ai kha tita ǀnamts hâ?” Ob ge Petruba ge ǃeream: “Ā ǃKhūtse, sats ge a ǂan ǀnam tsi ta a ǃkhaisa.” Ob ge Jesuba “Ti ǁkhaona ǃû kai” ti ge mî (Johaneb 21:15 KKG20).

 

 

ǁGauǃnâ-aon:

ǂKharikeǂeneb khoe-i ǃommi ai hâb ge ǁGauǃnâ-ao-e mâba, ǁî-i ra ǀguitikōsiba Xristu soros ǃnâ hā-ū xui-ao. Jesub ge kai ǁgauǃnâ-aob mâ ǃnās hoas ǃaroma ǁÎb ra ǁkhāǁkhān xa gere ǂâiba; hoaǁaes ge ǁÎb di ǃhoaǂamǃkhaisa mâǁapo hâ tsî ǀkhara tama amab Elob diba ge ǃkhōǂgā hâ i. ǁGauǃnâ-aon tsîn ge Elob di mîsa ǃoeǃā tsî khoena Elobmîsan nî aitsama ǁkhāǁkhāsens ǃoa ǁāǁās di ǂgaoba ūhâ.

 

¹⁹ǁNā-amaga ǃgûǂoa, î hoa ǁaede ǁkhāǁkhāsabedī, î go ǁîna ǁGûb, ǀGôab tsî ǃAnu Gagab ǀons ǃnâ ǁāǁnâ, 20*tsî ǁkhāǁkhā, în tita gere sago mîmān hoana ǃkhōǀgaipe. Tsî ta ge tita hoaǁae sago ǀkha nî hâ, ǃhūbaib di ǀunis kōse” (Mateub 28:19-20 KKG20).

 

Jesub ge khoena aoǁnâdi, ai-īsigu tsî ǂkhōdi ǃnâ-u gere ǁkhāǁkhā. ǁÎb ge ama xūn ǂgoms din tsî sîsen tama tsî ǀgamaixa ûib ǃoagu mâti ǃûisenhe ǁkhā ǃkhaisa gere ǁgauǂui. Jesub ǁkhāǁkhādi ge mâti da ǁÎb Gaosib ǃoa hâ ûib, nēsi ǂhanuse ûis dib ǃaroma nî ǂhomisen ǀgausa ra ǁgau da. ǁÎb ûib ge ge aiǁgau i ǁÎb ǁkhāǁkhādi diba, tsîb ge sada ûib ona ǁnāti ga ī.  ¹⁸Sada aidi ge ǃgū-aisa tama hâ. Sada hoada ge ǃKhūb di ǂkhaisiba mûsenǃnâxūs khami ra ǁgauǂui. Sada ge ǁîb di īb ǃnâ ǃnāsa ǂkhaisib ǀkha ra ǀkharaǀkharahe. Nēs ge ǃKhūb hîa a Gagaba xu ra hā (2 Korinteǁîn 3:18 KKG20).

 

Elob ge ǁÎb khoena ge mîmā, ǁîn ôana ǁÎb daoga ǁkhāǁkhāsa.⁶ǀGôana ǁîn ǂkhamsisa xu ǂhanu daob ai ǁkhāǁkhā o i ge kaira i ka, xawe ǁîba xu ǁnāǁgôa tide (ǂKhoamîdi 22:6 KKG20).

 

⁴⁰ǁKhāǁkhāsabe-i kom ǁî-i ǁgauǃnâ-ao-i xa kai tamao, xawe ǀoasase ǁkhāǁkhāsab kom ǁgauǃnâ-aob âb khami nî īo (Lukab 6:40 KKG20).​​